Tamim bin Hamad Al Thani

	Emír Katar
	Al Thani-ætt
	Tamim bin Hamad Al Thani; تميم بن حمد بن خليفة آل ثاني
Ríkisár	25. júní 2013 –
Fæddur	3. júní 1980 (44 ára)
	Doha, Katar
Undirskrift
	Konungsfjölskyldan
Faðir	Hamad bin Khalifa Al Thani
Móðir	Moza bint Nasser Al-Missned
Eiginkonur	Jawaher bint Hamad Al Thani (g. 2005); Al-Anoud bint Mana Al Hajri (g. 2009); Noora bint Hathal Al Dosari (g. 2014);
Börn	Sheikha Al Mayassa; Sheikh Hamad; Sheikha Aisha; Sheikha Naylah; Sheikh Jassim; Sheikh Abdullah; Sheikha Rodha; Sheikh Joa'an; Sheikh Alqaqa'a; Sheikh Mohammed; Sheikha Moza; Sheikh Fahad; Sheikha Hind;

Sjeik Tamim bin Hamad bin Khalifa Al Thani (تميم بن حمد بن خليفة آل ثاني; f. 3. júní 1980) er emírinn af Katar. Hann hefur verið við völd frá árinu 2013.

Tamim er annar sonur emírsins Hamad bin Khalifa Al Thani með annarri eiginkonu hans, Mozu bint Nassir. Hann varð erfingi að katörsku krúnunni árið 2003 þegar eldri bróðir hans, Sjeik Jassim, afsalaði sér tilkalli sínu. Tamim varð emír þegar faðir hans sagði af sér árið 2013.

Tamim fer fyrir óskoraðri einveldisstjórn.^[1] Allt framkvæmda- og löggjafarvald í Katar er í hans höndum.

Menntun

Tamim bin Hama gekk í Sherborne School í Dorset í Englandi og úrskrifaðist frá Harrow School árið 1997. Hann útskrifaðist úr konunglega herskólanum í Sandhurst árið 1998.^[2]

Æviágrip

Tamim varð krónprins þann 5. ágúst 2003 þegar eldri bróðir hans, Jasim bin Hamad, afsalaði sér titlinum. Tamim varð næstráðandi katarska hersins árið 2009 og lék lykilhlutverki í stuðningi Katara við uppreisnina gegn Muammar Gaddafi í Líbíu árið 2011.

Árið 2005 stofnaði Tamim fjárfestingafélagið Qatar Sports Investments, sem á meðal annars knattspyrnufélagið Paris Saint-Germain FC og er „alþjóðlegur samstarfsaðili“ FC Barcelona. Hann var einnig hvatamaður að því að fá Heimsmeistaramót landsliða í knattspyrnu karla 2022 haldið í Katar og reyndi að fá Ólympíuleikana haldna í Katar árin 2016 og 2020.

Í stjórnartíð Tamims átti Katar í deilum við arabísk nágrannaríki sín frá árinu 2017. Sádi-Arabía, Sameinuðu arabísku furstadæmin, Egyptaland og Barein slitu stjórnmálasambandi við og settu viðskiptabann á Katar í júlí 2017 og sökuðu landið um að styðja öfgahreyfingar eins og al-Kaída og Bræðralag múslima.^[3] Einnig er talið að náið samband Katar við óvinaríki Sádi-Arabíu hafi átt þátt í deilunni. Stuttu áður en viðskiptabannið tók gildi gerðu Sameinuðu arabísku furstadæmin tölvuárás á katarska fréttamiðla og komu af stað fölskum tilvitnunum í Tamim þar sem haft var eftir honum að Íran væri „íslamskt veldi“ og að samband Katar við Ísrael væri gott.^[4] Katar sættist að mestu við hin ríkin árið 2021, þegar landamæri að ríkinu voru opnuð á ný.^[5]

Eignir

Tamim á, í gegnum katarska ríkið, lúxussnekkjuna Al Lusail, sem kostaði 300 milljónir Bandaríkjadala að byggja.^[6]

Tilvísanir

↑ „Focus turns to domestic policy under Qatar's new emir“. The National. Afrit af uppruna á 8. desember 2015. Sótt 30 júlí 2015.
↑ „Profile: Qatar Emir, Sheikh Tamim bin Khalifa Al Thani“. BBC. 25 júní 2013. Sótt 9 nóvember 2013.
↑ Kristján Róbert Kristjánsson (14. nóvember 2017). „Katar býr sig undir langa deilu“. RÚV. Sótt 18. febrúar 2025.
↑ Jónas Atli Gunnarsson (17. júlí 2017). „Hvernig varð Katar að einangruðu ríki?“. Kjarninn. Sótt 18. febrúar 2025.
↑ Kristján Róbert Kristjánsson (6. janúar 2021). „Slaknað hefur á spennu milli Katar og grannríkja“. RÚV. Sótt 18. febrúar 2025.
↑ „U Dubrovnik uplovila jedna od najluksuznijih jahti na svijetu“ (kroatiska). Morski.hr. Afrit af upprunalegu geymt þann 29 október 2020. Sótt 6 ágúst 2020.

Fyrirrennari:
Hamad bin Khalifa Al Thani

Emír Katar
(25. júní 2013 –)

Eftirmaður:
Enn í embætti

[:0-1] „Focus turns to domestic policy under Qatar's new emir“. The National. Afrit af uppruna á 8. desember 2015. Sótt 30 júlí 2015.

[BBC_profile-2] „Profile: Qatar Emir, Sheikh Tamim bin Khalifa Al Thani“. BBC. 25 júní 2013. Sótt 9 nóvember 2013.

[3] Kristján Róbert Kristjánsson (14. nóvember 2017). „Katar býr sig undir langa deilu“. RÚV. Sótt 18. febrúar 2025.

[4] Jónas Atli Gunnarsson (17. júlí 2017). „Hvernig varð Katar að einangruðu ríki?“. Kjarninn. Sótt 18. febrúar 2025.

[5] Kristján Róbert Kristjánsson (6. janúar 2021). „Slaknað hefur á spennu milli Katar og grannríkja“. RÚV. Sótt 18. febrúar 2025.

[6] „U Dubrovnik uplovila jedna od najluksuznijih jahti na svijetu“ (kroatiska). Morski.hr. Afrit af upprunalegu geymt þann 29 október 2020. Sótt 6 ágúst 2020.

[1]

[2]

[3]

[4]

[5]

[6]