Tóbítsbók
Tóbítsbók er ein af bókum Biblíunnar í rétttrúnaðarkirkjunni og kaþólsku kirkjunni, en er apókrýf í mótmælendabiblíum og hebresku biblíunni. Hún er frá 3. og 2. öld f.Kr. Hún segir frá tveimur fjölskyldum; annars vegar hins blinda Tóbíts í Níneve, og hins vegar Söru, sem er yfirgefin í Ekbatana. Tóbías, sonur Tóbíts, er sendur að sækja tíu silfurtalentur til Medíu og hittir Söru á leiðinni fyrir milligöngu engilsins Rafaels. Djöfullinn Asmódeus drepur alla karlmenn sem Sara giftist, en engillinn frelsar hana undan honum og þau Tóbías ganga í hjónaband. Þau snúa aftur til Níneve þar sem Tóbít endurheimtir sjón sína fyrir kraftaverk.[1]
Fræðimenn telja að bókin hafi upphaflega verið samin á semísku máli. Fimm brot á arameísku og hebresku hafa fundist í Dauðahafshandritunum frá 1. og 2. öld f.Kr.[2] Bókin hefur haft áhrif á höfunda annarra apókrýfra rita.[3] Hún var hluti af bæði Sjötíumannaþýðingunni og elstu latínuþýðingunum (Vetus Latina).[4][5]
Tilvísanir
[breyta | breyta frumkóða]- ↑ „Tóbítsbók“. Biblía 21. aldar. Sótt 10.8.2026.
- ↑ Cross, F.M. (1961). „The development of the Jewish scripts“. Í G.E. Wright (ritstjóri). The Bible and the ancient Near East: Essays in honor of William Foxwell Albright. bls. 138.
- ↑ Moore, C.A. (1996). Tobit: A new translation with introduction and commentary. 40A. bindi. Doubleday. bls. 46.
- ↑ Tov, E. (2012). Textual criticism of the Hebrew Bible (3. útgáfa). Minneapolis: Fortress Press. bls. 134.
- ↑ Kedar, B. (1988). „The Latin translations“. Í M.J. Mulder (ritstjóri). Compendia rerum Iudaicarum ad Novum Testamentum. II.1. Mikra. bindi. Fortress Press. bls. 299–338.
