Tírólamerla

Tírólamerla
	; Tírólamerla hefur vaxið yfir mosa í Nevada í Bandaríkjunum.
Ástand stofns
	Ekki metið (IUCN)
Vísindaleg flokkun
Ríki:	Sveppir (Fungi);
Fylking:	Asksveppir (Ascomycota);
Flokkur:	Diskfléttur (Lecanoromycetes);
Ættbálkur:	Glæðubálkur (Teloschistales);
Ætt:	Glæðuætt (Teloschistaceae);
Ættkvísl:	Parvoplaca;
Tegund:	Tírólamerla (P. tiroliensis);
Tvínefni
	Caloplaca tiroliensis;

Tírólamerla (fræðiheiti: Parvoplaca tiroliensis) er tegund fléttna af glæðuætt (Teloschistaceae). Hún finnst meðal annars á Íslandi þar sem hún er algeng um allt land en er mest áberandi á hálendinu.^[1]

Orðsifjar

Tírólamerla heitir eftir Tirol í Austurríki. Íslenska nafn hennar er dregið beint af latneska heiti hennar Parvoplaca tiroliensis.^[1]

Útlit og búsvæði

Tírólamerla er hrúðurflétta með lítt áberandi grátt þal og ólífugrænar eða gular askhirslur með skærgulum börmum.^[1] Hún vex á mosum, sinuleifum eða kvistum.^[1]

Átta gró eru í hverjum aski. Gróin eru tvíhólfa með þykkum millivegg, oddbaugótt eða sporbaugótt, 12-18 x 6-9,5 µm að stærð.^[1]

Efnafræði

Tírólamerla inniheldur gula litarefnið parietín eins og aðrar fléttur af glæðuætt.^[1]

Þalsvörun tírólamerlu er K+ vínrauð, C-, KC- og P-.^[1]

Tilvísanir

1 2 3 4 5 6 7 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[HK2016-1] 1 2 3 4 5 6 7 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[1]