Syðra-Garðshorn

Úr Wikipediu, frjálsa alfræðiritinu
(Endurbeint frá Syðragarðshorn)

Syðra-Garðshorn í Svarfaðardal er í miðjum dal vestan Svarfaðardalsár 8-9 km frá Dalvík. Þar var lengi stundaður blandaður búskapur en nú er þar lögð stund á hrossarækt og tamningar. Syðragarðshorn hefur líklega upphaflega byggst út úr landi Bakka. Ytra-Garðshorn er næsti bær utan við Syðra-Garðshorn. Ekki er vitað hvenær búskapur hófst í Syðra-Garðshorni. Bærinn er ekki nefndur í Landnámu eða öðrum fornum ritum. Gottskálk biskup grimmi taldi sig eiga Syðragarðahorn og seldi jörðina 1512. Eignarhald hans var þó talið æði vafasamt. Jón biskup Arason eignaðist jörðina síðar og Ari Jónsson lögmaður sonur hans átti hana þegar þeir feðgar voru höggnir án dóms og laga suður í Skálholti 1550. Í framhaldi af því sölsaði konungur eignina undir sig. [1] Syðra-Garðshorns bræður, Júlíus, Jóhann og Björn Daníelssynir, voru þekktir menn í Svarfaðardal á sinni tíð, söngmenn miklir og gleðimenn.


Heimildir[breyta | breyta frumkóða]

  1. Stefán Aðalsteinsson, Svarfdælingar, seinna bindi. Iðunn, Reykjavík.