Svikulir kjörmenn

Svikulir kjörmenn eru kjörmenn sem greiða ekki atkvæði í samræmi við úrslit kosninga í sínu fylki þegar kjörmannaráðið kemur saman í kjölfar forsetakosninga í Bandaríkjunum. Hvert fylki setur sín lög um kjörmenn, en venja er að sá frambjóðandi sem vinnur ríkið fær alla kjörmenn fylkisins óháð því hve miklu munar. Ætlast er til að kjörmenn greiði atkvæði í samræmi við úrslit kosninga, en það hefur komið fyrir að kjörmenn greiði atkvæði í andstöðu við úrslit kosninga í sínu fylki.

Í langflestum tilvikum eru svikulir kjörmenn teljandi á fingrum annarrar handar, en það hefur aldrei gerst að svikulir kjörmenn séu nógu margir til að snúa við úrslitum kosninga.