Sveinstindur (Öræfajökli)

Sveinstindur í Öræfajökli er annar hæsti tindur landsins á eftir Hvannadalshnjúk og rís hann 2.044 metra yfir sjávarmál. Hann er líkt og Hvannadalshnjúkur einnig í Öræfajökli og lítið eitt austar en Hvannadalshnjúkur. Tindurinn er nefndur eftir Sveini Pálssyni lækni og náttúrufræðingi sem talinn er að hafi gengið hann fyrstur manna 11. ágúst árið 1794. . Nokkrar leiðir eru í boði á Sveinstind, m.a. Ærfellsleið meðfram Hrútárjökli eða af Sandfellsleið á Hnjúkinn. Sjálfur fór Sveinn svokallaða Kvískerjaleið nefnd eftir Kvískerjum þar sem leiðin hefst en hún er þá farin sunnan við Hrútárjökul og framhjá Sveinsgnípu. Þessi leið hefur einnig verið nefnd læknaleiðin í minningu Sveins. Leiðin er 22 km að lengd og með hækkun upp á 2.000 metra. Hagstæðasti og öruggasti tími ársins til þess að ganga á Sveinstind líkt og aðra tinda í Öræfum er í maí þegar mesti kuldinn er að baki án þess þó að jökulsprungur séu farnar að opnast of mikið.