Svavar Gests
Svavar Gests | |
|---|---|
 Svavar í New York 1947 | |
| Upplýsingar | |
| Fæddur | Svavar Lárus Gestsson 17. júní 1926 |
| Dáinn | 1. september 1996 |
| Önnur nöfn | Svavar Gests |
| Störf | Útgefandi |
| Hljóðfæri | Trommur og víbrafónn |
Svavar Lárus Gestsson, þekktur sem Svavar Gests (17. júní 1926 – 1. september 1996) var íslenskur trommuleikari, tónlistarframleiðandi, útgefandi og útvarpsþáttastjórnandi. Hann lærði við Juilliard-skólann í New York, ásamt Kristjáni Kristjánssyni og varð fyrsti trommuleikari KK-sextetts.[1] Svavar stofnaði Hljómsveit Svavars Gests sem var virk á árunum 1949 til 1965.[2] Árið 1964 stofnaði hann tónlistarútgáfuna SG-hljómplötur sem var ein helsta tónlistarútgáfa Íslands fram á 9. áratug 20. aldar þegar Steinar urðu fyrirferðarmeiri.[1]
Hann stýrði nokkrum útvarpsþáttum fyrir Ríkisútvarpið, meðal annars þættinum „Sunnudagskvöld með Svavari Gests“ 1964-1965. Árið 1966 giftist hann í annað sinn söngkonunni Ellý Vilhjálms. Þau eignuðust tvo syni, en annar þeirra er tónlistarmaðurinn Máni Svavarsson.[3] Árið 1992 kom út sjálfsævisaga Svavars, Hugsað upphátt.
Tilvísanir
[breyta | breyta frumkóða]- 1 2 Helgi J (22.2.2023). „Svavar Gests (1926-1996)“. Glatkistan.
- ↑ Helgi J (19.1.2015). „Hljómsveit Svavars Gests“. Glatkistan.
- ↑ „Maður vikunnar: Hlédrægi sögumaðurinn“. Fréttablaðið. 16. desember 2006. bls. 26.
