Sulta (kjöt)

Weisser Schwartenmagen frá Þýskalandi.

Sulta (úr þýsku sülze „hlaup“) er kjöthlaup gert út höfði og löppum sem innihalda mikið gelatín, þótt í dag sé yfirleitt notað tilbúið hlaup (aspik). Algengt er að hafa tunguna með, en eyru og heili eru yfirleitt tekin frá. Kjötið er misfínt skorið eða hakkað áður en það er hleypt. Stundum er bætt við afskurði af öðrum hlutum dýrsins. Stundum er líka blóði bætt við. Sulta er yfirleitt borin fram köld í sneiðum.

Tvær tegundir sultu eiga sér nokkra hefð á Íslandi: sviðasulta (úr sviðakjöti) og svínasulta. Hvorttveggja er borið fram sem hluti af þorramat. Í Danmörku er hefð fyrir því að bera fram svínasultu, sem í dag er yfirleitt aðeins gerð úr skönkum, fram á hlaðborði um jólin. Í Þýskalandi er sulta yfirleitt gerð úr svínakjöti, en stundum öðru kjöti, eins og kálfakjöti. Í Bretlandi er sultan gerð úr svínakjöti og kölluð brawn eða potted heid (Skotland).

Tilvísanir

  Þessi grein er stubbur. Þú getur hjálpað til með því að bæta við greinina.