Sturla Halldórsson

Sturla Halldórsson
Fæddur	13. júní 1922(1922-06-13) Ísafjörður, Ísland
Dáinn	1. mars 2008 (85 ára) Ísafjörður, Ísland
Störf	Skipstjóri, hafnarstjóri og bæjarfulltrúi
Maki	Rebekka Stígsdóttir
Börn	6

Sturla Halldórsson (13. júlí 1922 - 1. mars 2008) var íslenskur skipstjóri, hafnarstjóri og bæjarfulltrúi. Hann sat í bæjarstjórn Ísafjarðarkaupstaðar frá 1978 til 1982 fyrir óháða og var varafulltrúi fyrir frjálslynda og vinstri menn á árunum 1974 til 1978.

Sturla stundaði sjómennsku frá 13 ára aldri. Hann var á M/S Ísbirni þegar hann strandaði og sökk út af Deild við Ísafjarðardjúp árið 1940 en öll áhöfnin bjargaðist við illan leik á björgunarbát inn á Skálavík. Hann var seinna á stýrimaður og skipstjóri á Sólborginni ÍS og Gylfa ÍS sem hann átti með bróður sínum en auk útgerðarinnar á bátnum ráku þeir fiskvinnsluna Gylfaver.

Árið 1964 hætti hann á sjónum og gerðist yfirhafnarvörður Ísafjarðarhafnar og var þar til 1993 er hann fór á eftirlaun. Árið 2005 var nýr hafnsögubátur hafnarinnar, Sturla Halldórsson ÍS 2642 nefndur í höfuðið á honum. Hann var einn af stofnendum Kiwanisklúbbsins Bása á Ísafirði og fyrsti formaður klúbbsins. Árið 1997 hlaut hann æðstu orðu Kiwanis, Hixson orðuna.

Sturla starfaði lengi að verkalýðsmálum og var formaður og sat í stjórn Skipstjóra- og stýrimannafélagsins Bylgjunnar og félagi opinberra starfsmanna á Ísafirði og Vestfjörðum (FOSÍ og FOSVest).

Fjölskylda

Sturla var sonur Halldórs Friðgeirs Sigurðssonar, útgerðarmanns, og Svanfríðar Albertsdóttur. Hann átti 10 systkini, þar á meðal Jón Laxdal leikara.