Stracchino
 |
Þessi grein inniheldur engar heimildir. Vinsamlegast hjálpaðu til við að bæta þessa grein með því að bæta við tilvísunum í áreiðanlegar heimildir. Efni sem ekki styðst við heimildir gæti verið fjarlægt. |
Stracchino, einnig þekktur sem Crescenza er ítalskur mjúkur ostur sem er hefðbundinn í Langbaraðalandi, Toskana, Venetó, Friuli-Venezia Giulia og Liguria. Hann er borðaður mjög ungur; hefur lina húð og mjög mjúka rjómakennda áferð og venjulega milt, örlítið súrt bragð. Hann er oftast ferningslaga.
Nafn ostsins er dregið af langbarðíska lýsingarorðinu strach, sem þýðir þreyttur. Talið er að mjólk þreyttra kúa af fjalllendi á haustin sé fituríkari og súrari. Sagt er að þessir eiginleikar hafi uppgvötvast þegar kýr voru fluttar árstíðabundið upp og niður Alpana í mismunandi haga.
Stracchino er venjulega borðaður einn sér en einnig sem fylling í sumar tegundir af brauði. Í Recco, á ítölsku rívíerunni austan við Genúa, er focaccia con il formaggio, ostafocaccia eða focaccia di Recco yfirleitt fyllt með crescenza. Í Romagna og í sumum nálægum svæðum, t.d. norðurhluta Marche, Úmbríu og austurhluta Toskana, er hann algeng fylling í cascione sem er gert úr piadina, þunnu flatbrauði.