Stikkfrí
| Stikkfrí | |
|---|---|
| Leikstjóri | Ari Kristinsson |
| Handritshöfundur | Ari Kristinsson |
| Framleiðandi | Friðrik Þór Friðriksson Ari Kristinsson |
| Leikarar | |
| Frumsýning | 1997 |
| Lengd | 78 mín. |
| Tungumál | íslenska |
| Aldurstakmark | Leyfð |
Stikkfrí er íslensk fjölskyldumynd eftir Ara Kristinsson. Hún fjallar um tvær ungar stelpur, þær Hrefnu, leikna af Bergþóru Aradóttur og Yrsu, leikna af Freydísi Kristófersdóttur, sem ræna hálfsystur Hrefnu til að ná athygli föður hennar sem hún ólst ekki upp hjá og hefur aldrei þekkt. Þær lenda í svolitlu basli með krakkann en ná að skila honum á endanum. Ein vinsæl setning úr myndinni er „Ég er með sinnep", sem Hrefna segir í hita leiksins. Hrefna er tíu ára gömul stúlka sem býr hjá móður sinni og stendur í þeirri trú að faðir hennar hafi alla tíð búið í Frakklandi. Á tíu ára afmælisdeginum sínum kemst hún að því að hann býr í raun og veru í Breiðholtinu. Hrefna fer strax á stúfana ásamt vinkonu sinni Yrsu og uppgötvar að pabbinn er giftur annarri konu og á með henni tveggja ára gamalt barn. Hrefna gerir nokkrar árangurslausar tilraunir til að ná athygli pabba síns og við eina slíka tilraun hafa vinkonurnar barnið á brott með sér. Nú upphefst mikill gamanleikur þegar stelpurnar reyna að tjónka við þá stuttu með öllum tiltækum ráðum. Á sama tíma leitar lögreglan ákaflega að barninu um alla borg.
Þessi kvikmyndagrein sem tengist Íslandi er stubbur. Þú getur hjálpað til með því að bæta við greinina.