Stew Johnson
 Johnson árið 1972 | |
| Persónulegar upplýsingar | |
|---|---|
| Fæðingardagur | 19. ágúst 1944 New York, New York, Bandaríkin |
| Hæð | 203 cm (6 ft 8 in) |
| Þyngd | 100 kg (220 lb) |
| Körfuboltaferill | |
| Háskólalið | Murray State (1963–1966) |
| Nýliðaval NBA | 1966: 3. umferð, 21. valréttur |
| Valin af New York Knicks | |
| Ár í mfl. | 1966–198? |
| Leikstaða | Framherji / Miðherji |
| Liðsferill | |
| Sem leikmaður: | |
| 196? | Benton Harbor/Twin City Sailors |
| 1966–1967 | Holland Carvers |
| 1967 | Kentucky Colonels |
| 1967–1968 | New Jersey Americans / New York Nets |
| 1968–1969 | Houston Mavericks |
| 1969–1971 | Pittsburgh Pipers / Condors |
| 1971–1972 | Carolina Cougars |
| 1972–1974] | San Diego Conquistadors |
| 1974–1975 | Memphis Sounds |
| 1975 | San Diego Sails |
| 1975–1976 | San Antonio Spurs |
| 1976–1977 | SP Federale Lugano |
| 1978 | Indiana Wizards |
| 1978–1979 | Ármann |
| 1979–1981 | River Plate |
| 1981–1983 | KR |
| Sem þjálfari: | |
| 1978–1979 | Ármann (kk) |
| 1981–1983 | KR (kk) |
| 1981–1983 | KR (kvk) |
| Heildar tölfræði í Úrvalsdeild | |
| Stig | 1.189 (36,0) |
| Leikir | 33 |
| Tölfræði á Basketball Reference | |
Stewart Johnson (fæddur 19. ágúst 1944) er bandarískur fyrrum körfuknattleiksmaður og þjálfari. Hann lék körfuknattleik með Murray State háskólanum í þrjú ár þar sem hann varð fyrsti þeldökki leikmaðurinn til að komast í liðið á skólastyrk. Árið 2023 heiðraði liðið hann með því að hengja treyju hans upp í rjáfur.[1]
Sem atvinnumaður lék hann lengst af í ABA-deildinni þar sem hann var þrívegis valinn í stjörnuleik deildarinnar. Mest skoraði hann 62 stig í einum leik í ABA, sem var um stund stigamet deildarinnar.[2]
Johnson lék þrjú tímabil á Íslandi, fyrst með Ármanni í næst-efstu deild, en seinna í Úrvalsdeildinni með KR. Hann var stigahæsti leikmaður deildarinnar árið 1983 og annar stigahæsti árið á undan. Leikferli hans á Íslandi lauk þegar erlendir leikmenn voru bannaðir í efstu deild árið 1983.
Auk Bandaríkjanna og Íslands, lék Johnson meðal annars í Sviss, þar sem hann varð meistari árið 1977 með SP Federale Lugano ásamt því að verða stigahæstur í deildinni, og Argentínu þar sem hann lék tvö tímabil með River Plate þar sem Pétur Guðmundsson var meðal liðsfélaga hans.[3]
Johnson þjálfaði öll sín ár á Íslandi, fyrst karlalið Ármanns og síðar bæði kvenna- og karlalið KR. Hann gerði kvennalið KR að Íslands- og bikarmeisturum 1982 og 1983.
Eftir veru sína á Íslandi hélt Johnson til Svíþjóðar þar sem hann bæði lék og þjálfaði til fjölda ára.[2] Hann er faðir sænsku landsliðskonunnar Precious Johnson.[4]
Tölfræði
[breyta | breyta frumkóða]Úrvalsdeild
[breyta | breyta frumkóða]| Tímabil | Félag | L | 2H | VH | VT | VN% | STG |
|---|---|---|---|---|---|---|---|
| 1981–82 | KR | 13 | 14,5 | 3,8 | 4,4 | .877 | 32,8 |
| 1982–83 | KR | 20 | 16,4 | 5,4 | 6,3 | .849 | 38,2 |
| Samtals | 33 | 15,6 | 4,8 | 5,5 | .858 | 36.0 | |
Tilvísanir
[breyta | breyta frumkóða]- ↑ Hannah Saad (1. desember 2023). „Murray State basketball retires jersey of team's first Black scholarship athlete“. WKMS (enska). Sótt 29 júlí 2026.
- 1 2 Davíð Eldur (26 janúar 2021). „Frá New York Knicks til KR: Er Stew Johnson besti leikmaður sem leikið hefur á Íslandi?“. Karfan. Sótt 29 júlí 2026.
- ↑ Genea L. Webb (16 júní 2023). „Stewart Johnson—the barrier-breaker, basketball icon, and very proud father“. New Pittsburgh Courier (bandarísk enska). Sótt 29 júlí 2026.
- ↑ Linus Ahlin (19 júní 2025). „Ovanliga resan till landslaget – nu gör skånskan EM-debut“. Sydsvenskan (sænska). Sótt 29 júlí 2026.
Heimildir
[breyta | breyta frumkóða]- Tölfræði úr Úrvalsdeild á Körfustatt.is
- Tölfræði úr ABA á Basketball-Reference.com
- Tölfræði úr háskólabolta á Sports-Reference.com