Stefán Sturla Sigurjónsson

Úr Wikipediu, frjálsa alfræðiritinu

Stefán Sturla Sigurjónsson (fæddur 4. júní 1959) er íslenskur leikari.

Æviágrip[breyta | breyta frumkóða]

Stefán Sturla fæddist í Reykjavík þann 4. júní árið 1959. Foreldrar hans eru Sigurjón Valdimarsson fæddur 3. janúar 1932 ritstjóri og Sólveig Stefánsdóttir fædd 10. júní 1939 bóndi. Maki Stefáns er Petra Högnäs fædd 4. júní 1967 frá Molpe í Finnlandi. Börn þeirra eru Sandra Björg fædd 30. ágúst 1983, Sólveig fædd 29. október 1985, Adam Thor fæddur 19. nóvember 1999 og Anna Alina fædd 5. desember 2002.

Stefán Sturla stundaði húsasmíðanám við Fjölbrautaskólann í Breiðholti (1976), er búfræðingur frá Hvanneyri (1979) og leikari frá Leiklistarskóla Íslands (1987) Hann var einn af frumkvöðlum að stofnun barnaleikhúss á Íslandi með Möguleikhúsinu (1992-1997). Hann stofnaði leikhópinn Sjónleikhúsið ásamt Jakopi Þór Einarssyni árið 1997. Sjónleikhúsið einbeitir sér að uppsetningu barnaverka. Stefán hefur starfað með leikhópnum Bandamenn frá upphafi leikhópsins árið 1992.

Stefán hefur leikið hjá Þjóðleikhúsinu, Borgarleikhúsinu, Leikfélagi Akureyrar, Útvarpsleikhúsinu, Alþýðuleikhúsinu, Eih-leikhúsinu, Þíbilju, Frú Emilíu, Bandamönnum, Möguleikhúsinu, Nótt og Degi og Íslenska dansflokknum. Hann hefur einnig gert heimildarmyndir fyrir sjónvarp: Skálar á Langanesi, Papósverslun, Veröld undir Vatnajökli, Seyðisfjörður saga byggðar, 100 ára afmælishátíð á Seyðisfirði. Hvar, hvers vegna, fyrir hverja og fjölda þátta fyrir börn.

Fígúran Trjálfur sem komið hefur fram við ýmis tækifæri víða um land frá 1997-2006 er unnin af Stefáni Sturlu. Hann hefur skrifað tvær barnabækur: Trjálfur og Mimmli (2000) og Alina - tönnin og töframátturinn (2007). Hann hannaði og gerði Fjölskylduspilið Ísland sem kom út árið 2002.

Frá árinu 2006 hefur Stefán einbeitt sér að leikstjórn.

Ferill leikhús / leikhópar[breyta | breyta frumkóða]

Ár Leikhús Leiksýning Hlutverk Athugasemdir og verðlaun
1987 Broadway KK kabarett Ýmis hlutverk
EiH-leikhúsið Saga úr dýragarðinum Andrés
1988 Alþýðuleikhúsið Medea Theresías / Ýmis hlutverk Tilnefndur sem besti leikari í aukahlutverki
Þjóðleikhúsið Marmari Ýmis hlutverk / Aðstoðarleikstjóri
1989 Gríniðjan NÖRD Aðstoðarleikstjóri / sýningastjóri
Þíbilja Dalur hinna blindu Pasitúba
1990 Leikfélag Akureyrar Heill sé þér þorskur Ýmis hlutverk
1991 Gríniðjan Brávallagatan / Arnarnesið Markaðs- og sölustjóri
Möguleikhúsið Grímur og galdramaðurinn Grímur
Leikfélag Reykjavíkur Ferðin á heimsenda strákurinn
1992 Frú Emilía Djöflar Blíðan
Möguleikhúsið Smiður jólasveinanna Þrasi
Alþýðuleikhúsið Hamlett Markaðs- og sölustjóri

Ferill í kvikmyndum[breyta | breyta frumkóða]

Ár Kvikmynd Hlutverk Athugasemdir og verðlaun
1987 Í skugga hrafnsins Hlutverk og áhættuatriði á hestum
1988 Foxtrot Sjoppugengi
1990 Hvíti víkingurinn Hlutverk og áhættuatriði á hestum
1992 Sódóma Reykjavík Brjánsi Sýra
1993 NIFL Aðstoðarleikstjóri og hlutverk
1994 Á köldum klaka Hlutverk
1995 Litli bróðir til sölu Hlutverk og stjórnun hunds
2003 Þriðja nafnið Vélstjóri

Tenglar[breyta | breyta frumkóða]