Spjall:Morfís

Úr Wikipediu, frjálsa alfræðiritinu
Jump to navigation Jump to search

Finnst fólki í lagi að hafa lög MORFÍS hérna? Í fyrsta lagi: Má það? Og í öðru lagi: Ættu þau þá ekki frekar heima á Wikisource eða eitthvað álíka. Þau eru ekki mjög alfræðilegs eðlis, svona í hrárri mynd sinni...--Sterio 26. okt. 2005 kl. 18:17 (UTC)

Hvers vegna ætti ekki að vera leyfilegt að birta lög MORFÍS hér?

Bara höfundaréttarparanoja væntanlega, annars skiptir það ekki máli því þetta er ekki efni sem á heima á Wikipedia. --Bjarki 5. jan. 2006 kl. 22:28 (UTC)
Eigum við þá að færa þetta á Wikisource? Ég þekki sjálfur ekki alveg reglurnar þar. --Steinninn spjall 17:33, 28 maí 2007 (UTC)

„Undir stjórn Junior Chamber“[breyta frumkóða]

Það er alrangt að MORFÍS hafi nokkru sinni verið undir stjórn Junior Chamber. MORFÍS hafði samstarf við JC-hreyfinguna (eins og hún kallaðist þá) um að leggja til vel þjálfaðan oddadómara í hverja keppni. Fulltrúar JC voru stundum boðaðir á fundi framkvæmdastjórnar vegna þessa, yfirleitt þó ekki. Önnur var aðkoma JC ekki.

Frumkvæði að stofnun keppninnar kom frá skólunum sjálfum, ekki JC.

MORFÍS notaði frá upphafi eigið dómblað þar sem áherslu JC-hreyfingarinnar á tæknileg atriði og leikræna tilbuðir á kostnað rökræðna þóttu óeðlilegamiklar.

Hins vegar gerðist það ítrekað að JC-menn sendu frá sér fréttatilkynningar í fjölmiðla þar sem þeir kváðust hafa stofnað til þessarar keppni og hafa með henni yfirumsjón. Þótti framhaldsskólanemum lítið gert úr frumkvæði þeirra og framtaki. Þetta þótti framkvæmdastjórn MORFÍS ólíðandi og ákvað að leggja til við fyrsta aðalfund samtakanna eftir stofnfund (haldinn á Sauðárkróki vorið 1985) að slíta samstarfinu við JC. Fundurinn samþykkti tillöguna einróma.

Ég tók þátt í að koma þessari keppni á fót vorið 1984 og starfaði með fyrstu framkvæmdastjórn hennar sem ráðgjafi þó að ég væri þá útskrifaður úr mínum framhaldsskóla. Haustið 1985 var stofnað Oddadómararáð, skipað útskrifuðum fyrrverandi keppendum og skóladómurum MORFÍS. Þar með lauk samstarfinu við JC fyrir fullt og allt.

Það er afar leiðinlegt að sjá að alfræðiritið Wikipedia skuli birta upp ósannindi manna sem reyndu að auka hróður sinn með því að eigna sér frumkvöðlastarf framhaldsskólanema. Í fyrstu framkvæmdastjórn MORFÍS sátu Þór Jónsson (nú almannatengslastjóri Kópavogsbæjar), Hlynur N. Grímsson (nú læknir), Kristinn Örn Jóhannesson (nú formaður VR) og Albert Imsland. Þarna var einn til viðbótar sem ég man ekki hvað heitir en hann dró sig til baka eftir 2-3 mánuði. Þá sat ég fundi stjórnar sem ráðgjafi ásamt Jónasi Fr. Jónssyni (sem rekinn var frá Fjármálaeftirlitinu), hann hafði fallið í kjöri til stjórnar en vildi gjarna taka þátt samt.

Þessir menn geta allir staðfest það sem hér kemur fram ásamt keppendum og skóladómurum frá þessum tíma.

Bjarkim 16. apríl 2009 kl. 03:53 (UTC)

Eyðingartillaga á lista yfir eldri stjórnir[breyta frumkóða]

Engin hefur mótmælt eða fært rök fyrir markverðugleika lista yfir stjórnir Morfís mörg ár aftur í tímann, svo ég eyði þeim. Bragi H (spjall) 21. janúar 2013 kl. 12:04 (UTC)

Eyðingartillaga á lista yfir alla sigurvegara í Morfís frá upphafi[breyta frumkóða]

Á spjallsíðunni við Gettu betur greinina fór fram sama umræða en þar var orðin til heljarinnar listi sem umdeilanlegt var að ætti heima þar. Þar var stungið upp á þeim möguleikum að setja listann upp í töflu (sem varð ofan á), færa hann á sér síðu sem lista, eða eyða honum út. Ég tel eðlilegt að tilgreind séu þau lið/skólar sem vinna keppnina en get ekki séð að það þjóni nokkrum tilgangi að hafa hvert einasta nafn liðanna hér og nöfnin eru of mörg til þess að hægt væri að setja listann upp í almennilega töflu. Samt ef þessarri eyðingartillögu verður hafnað þá sem seinni kost að flytja upptalninguna á sér síðu sem lista. Bragi H (spjall) 24. janúar 2013 kl. 11:09 (UTC)

Mér finnst sumt af þessu eiga rétt á sér. Ef þessu væri komið fyrir í töflu þannig að hvert ár fengi ekki meira en eina línu, þá færi mun minna fyrir þessu. --Akigka (spjall) 24. janúar 2013 kl. 11:38 (UTC)
Gæti litið út eins og ég var að sýna... --Akigka (spjall) 24. janúar 2013 kl. 12:12 (UTC)
Það er hins vegar spurning hvort allar þessar undirsíður eiga rétt á sér (Morfís 2010 o.s.frv.). Mér sýnast þær ekki bæta neinu við þær upplýsingar sem hér koma fram. --Akigka (spjall) 24. janúar 2013 kl. 12:23 (UTC)
Tek undir það að í töflu er þetta mikið betra. Eins er ég sammála því að þessar undirsíður hafi engan tilgang, þær bæta engu við sem ekki er á þessarri síðu nú þegar. Það þarf ekki einusinni að sameina þær, allt sem er þar er hér. Bragi H (spjall) 24. janúar 2013 kl. 12:32 (UTC)
Sé samt að taflan verður ógnarlöng. Spurning hvort ekki væri betra að hafa hana hreinlega á sérsíðu. --Akigka (spjall) 24. janúar 2013 kl. 13:03 (UTC)
Tek undir það og sé að þú ert búin að flitja hana á sér síðu. Þetta er allt annað. Bragi H (spjall) 24. janúar 2013 kl. 14:35 (UTC)