Spjall:Frumkvöðull

Úr Wikipediu, frjálsa alfræðiritinu
Jump to navigation Jump to search

Greinin "frumkvöðull" er aðeins orðabókarskilgreining og hefur því ekkert alfræðigildi. Thvj 13. nóvember 2011 kl. 20:05 (UTC)

Hvernig færðu þetta út? Hver er munurinn á alfræðiskilgreiningu og orðabókarskilgreiningu? Ég sé ekki betur en skilgreiningin í þessari grein sé sambærileg við það sem gerist í öðrum greinum bæði hér og á öðrum útgáfum wp. --Akigka 15. nóvember 2011 kl. 12:46 (UTC)
Orðabókaraskilgreining, t.d. „Frumkvöðull: Maður sem stofnar fyrirtæki“ eða „Kokkur: maður sem eldar mat“, segir allt sem segja þarf, eða er nokkru við að bæta? Slíkar greinar eiga vitaskuld vel heima á Wiktionary. Alfræðiskilgreining fjallar um „alfræðilegt“ efni, sem skýra þarf með öðru alfræðilegu efni, t.d. fyrirtæki, sem oft grundvallast á viðskiptahugmynd en veitir þjónustu eða sinnir framleiðslu, matvæli sem getur verið grænmeti, kjöt eða fiskur, manninn o.s.frv. Thvj 17. nóvember 2011 kl. 23:21 (UTC)
En þessi grein segir einmitt meira en það... eða hvað? --Akigka 17. nóvember 2011 kl. 23:26 (UTC)
Finnst þér það? Mér finnst greinin engu bæta við fyrrnefnda orðabókarskilgreiningu, þó að nefnd séu hugtök á borð við „viðskiptahugmynd“, „áhættu“ o.fl. sem ætti fremur við fyrirtæki almennt. Thvj 18. nóvember 2011 kl. 17:48 (UTC)
Ég er þeirrar skoðunar að eigi ekki að eyða þessari grein. Til eru ýmiss konar frumkvöðlar, og það er hægt að segja mikið um mismunandi frumkvöðla, fræga frumkvöðla o.s.frv. Ef vantar eitthvað til að gera þessa grein að alfræðaskilgreningu þá ætti sá sem stakk upp á eyðingu hennar að rannsaka málið og bæta svo við nánari upplýsingum. Maxí 21. nóvember 2011 kl. 16:20 (UTC)

Eh, ég get ekki séð á umræðunni hér að ofan að það hafi verið neitt samkomulag um eyðingu greinarinnar. Kannski hefði mátt komast að niðurstöðu áður en greininni var eytt... --Cessator 21. nóvember 2011 kl. 16:02 (UTC)

Það komu engin viðbrögð í 3 sólarhringa, þ.a. ég reiknaði með að samþykki við eyðingu, enda er greinin hvorki fugl né fiskur (orðabókargrein). Thvj 21. nóvember 2011 kl. 16:21 (UTC)
Ef engu samkomulagi hefur verið náð þá ætti ekki að gera neitt. Maxí 21. nóvember 2011 kl. 16:22 (UTC)
Það er líka mjög merkilegt að í yfir 40 öðrum Wikipedium er grein um frumkvöðul. Maxí 21. nóvember 2011 kl. 16:24 (UTC)
Ef enginn nennir að tjá sig um eyðingartillögu, þá er líklega besta að framkvæma hana ;) Sé ekki neina iw-tengla heldur. Thvj 21. nóvember 2011 kl. 16:27 (UTC)
Þú sérð enga IW-tengla? Það eru yfir 40 við hliðina á greininni. Ég bætti við nokkrum upplýsingum sem dæmi um hvað er hægt að segja. Ég get birt tenglalistann hérna ef þú vilt. Maxí 21. nóvember 2011 kl. 16:35 (UTC)
Þetta er sumsé þýðing á enska orðinu "etrepreneur"?! Ástæðan fyrir því að greinin á sennilega ekki heima í alfræðiseafni er að skilgreiningin er mjög huglæg, eða einstaklingsbundin, en orðið þýðir í reynd "athafnamaður". Dæmi um íslenska frumkvöðla væru þá: Tommi á Tommaborgurum, Árni Johnsen, Björgólfur Thor, Björk, Leoncie o.s.frv. Thvj 21. nóvember 2011 kl. 16:43 (UTC)
Tjah, Akigka benti á að greinin segði meira en orðabókarskilgreining. Þú bregst við því og segir (í hnotskurn) „Mér finnst hún samt ekki bæta miklu við“, sem gefur svo sem ekki tilefni til mikilla viðbragða. En það er ekki þar með sagt að þögnin jafngildi samþykki. Ég ímynda mér ekki að Akigka hafi lesið „Mér finnst greinin engu bæta við [...]“ og hugsað með sér „Já, heyrðu, ég er sannfærður! ...best að segja ekkert til að undirstrika það.“ Þannig að ég held þú hafir misreiknað það eitthvað (en auðvitað er Akigka sjálfur best til þess fallinn að tjá okkur hugsanir sínar; ég ætla svo sem ekki að leggja honum orð í munn). En alla vega segir greinin (og sagði) miklu meira en orðabókarskilgreining; ég held þú hafir líka vanmetið það svolítið. Ég veit ekki um neina orðabók sem eyðir svo mikið sem málsgrein í að fjalla um tiltekið hugtak sem orð stendir fyrir. Svona lítur orðabókaskilgreining út (teygi mig í orðabók): „flagrum, i, n. a whip, scourge. 1. Lit.: Pl., Liv. 2. Transf. : ad sua qui domitos deduxit flagra Quiritis, Juv. Comic. : of a slave : gymnasium flagri, Pl.“ Orðabókarskilgreining gefur upp málfræðieinkenni (kennimyndir eða -föll o.s.frv.), telur upp merkingu orðsins og gefur dæmi um notkun þess í setningu. Hún fjallar ekki um hugtakið sem slíkt. Orðabókarskilgreining á orðinu „frumkvöðull“ myndi t.d. aldrei tala um hversu miklum tíma frumkvöðull þarf að verja í uppbyggingu á sprotafyrirtæki. --Cessator 21. nóvember 2011 kl. 16:45 (UTC)
Vertu nú ekki að eyða púðri í að tala fyrir munn Akigka. Hann ræður vel við það sjálfur ;) Greinin, eins og hún stóð upphaflega, sagði nákvæmlega ekkert meira um hvað átt væri við með „frumkvöðli“. Hins vegar var nefnt að það þyrfti viðskiptaáætlun og langan tíma til að koma „fyrirtæki“ á koppinn. (Ég var reyndar búinn að segja þetta áður í spjallinu, en þau rök standa.) Thvj 21. nóvember 2011 kl. 16:52 (UTC)
En greinin hefur breyst síðan þú stakkst upp á að henni ætti að vera eytt. Þetta var gert til þess að sýna hvernig væri hægt að bæta við greinina og gera henni að „alfræðaskilgreiningu“ eins og hún er í þínum augum. Maxí 21. nóvember 2011 kl. 17:20 (UTC)
Jæja, allir sáttir við að fjarlægja eyðingarsniðið? --Cessator 21. nóvember 2011 kl. 17:48 (UTC)
Maxí, þú mátt ekki túlka það sem svo að ég sé með einhverja "sérviskulega einkaskoðun" á alfræðigildi, við erum án efa öll sammála um að reyna að skrifa greinar sem standast skoðun, sem "alfræði", hvernig svo sem við túlkum orðið. Ég gagnrýni allar greinar, sem ég tel hafa takmarkað eða ekkert alfræðigildi og reyni að fá fram umræðu, einmitt til að skerpa línurnar milli "alfræði" og "orðabókar", sem mun bæta Wikipedia sem alfræðivef! En þetta er nú bara mín skoðun og mín vegna má fella brott eyðingartillögu. Thvj 21. nóvember 2011 kl. 18:02 (UTC)
Jæja, niðurstaðan er alla vega sú að greinin er mun bitastæðari en hún var. Hins vegar erum við með slatta af greinum sem segja lítið meira en hvað tiltekið orð þýðir (með svo iw-tenglum sem vísa á bitastæðari greinar á öðrum tungumálum) - mér finnst það alveg sleppa af því hinar raunverulegu upplýsingar liggja þá á bak við iw-tenglana. Þá skiptir líka máli að vera með rétta iw-tengla. Entrepreneur sýnist mér vera það orð á ensku sem íslenska orðið frumkvöðull er þýðing á (gæti líka verið þýðing á pioneer - og eins athafnamaður/athafnaskáld sem þýðing á entrepreneur, en held það sé algengara að nota athafnamaður í merkingunni businessman). --Akigka 21. nóvember 2011 kl. 18:35 (UTC)
Þannig að við erum komin á sama staðinn og við byrjuðum á Crystal Clear app amor.png Thvj, það leit út fyrir að þú værir með einhverja „einkaskoðun“ á þessu vegna þess að þú varst að nota miklu strangari reglur en aðrir um hvað teldist alfræðagildi. Maxí 21. nóvember 2011 kl. 19:50 (UTC)
Nja, er það? Ég mundi nú segja að greinarstúfurinn hafi batnað frá því að ég fór að skipta mér af honum ;) - Maxí, svo það sé á hreinu, þá er thvj ekki að reyna að „nota miklu strangari reglur en aðrir“, heldur reynir thvj að fylgja þeim reglum og leiðbeiningum sem þegar eru til staðar! Thvj 22. nóvember 2011 kl. 11:23 (UTC)
Er sá sem opna ísbúð, byggða á viðskiptahugmynd um að selja nægjanlega mikinn ís til að búðin skil hagnaði, frumkvöðull?? Thvj 29. nóvember 2011 kl. 17:28 (UTC)
Í greininn er um of einblínt á frumkvöðla innan viðskipta, en einnig má tala um frumkvöðla í landbúnaði, barnakennslu og fleira. Thvj 26. desember 2011 kl. 16:43 (UTC)
Endurskrifaði sbr spjall hér að ofan. Thvj 2. febrúar 2012 kl. 18:10 (UTC)