Spjall:Austari-Krókar

Úr Wikipediu, frjálsa alfræðiritinu
Jump to navigation Jump to search

Flateyjardalsheiði er ekki sama og Flateyjardalur! -- Vesteinn 10:18, 22 febrúar 2007 (UTC)

En það er oft auðveldara að fjalla um tvö, svo nátengd efni, saman. :) --Jóna Þórunn 10:20, 22 febrúar 2007 (UTC)
Það var það sem ég hafði í huga, en ef menn vilja gera langa grein um bæði efnin þá er bara hægt að skipta í tvær greinar. --Óli Ágúst 10:29, 22 febrúar 2007 (UTC)
Þú vilt greinilega hafa þetta eftir þínu höfði Vésteinn. Að mínu mati er þetta eins og saltið í hafinu, frekar óaðskiljanlegt og ekki ljóst hvar annað endar og hitt tekur við... :) Ég segi að heiðin sé hluti af dalnum enda er það ljóst þegar ferðast er um svæðið að þetta er dalur en ekki það sem dæmigert má kallast heiði. Sama gildir um Heiðarhús, þau eru augljóslega í dal, sennilega Flateyjardal. Þetta er óaðskiljanlegt að mínu mati og hreinlega þægilegra fyrir lesanda að vera ekki að slíta þetta í sundur, sérstaklega þegar efni í heila grein um heiðina er varla til staðar! --Óli Ágúst 10:46, 22 febrúar 2007 (UTC)
Ég er alveg sammála þér Óli Ágúst, á meðan ekki hefur verið Flateyjardalsmúr á milli svæðanna þá eru þau ein heild. --Jóna Þórunn 10:49, 22 febrúar 2007 (UTC)
Það eru ekki dregin landamæri á milli, en það er samt ekki það sama. Flateyjardalsheiði væri réttnefnd dalur, en hún heitir samt heiði og Heiðarhús draga nafn sitt af því. Flateyjardalur heitir líka dalur þótt hann sé í raun strönd. Mér finnst ótækt að blanda þessu tvennu saman þar sem þetta er tvennt aðskilið. Ég sé ekki að það sé okkar að leiðrétta landnámsmennina sem gáfu þessu nöfn. Ég skal með ánægju taka að mér að skrifa sérstaka færslu um Flateyjardalsheiði. --Vesteinn 17:06, 22 febrúar 2007 (UTC)
Ég er nú ekki sammála þessu en þar til annar hvor okkar vísar í heimildir með það hvernig þetta liggur höfum þetta bara svona. Ég veit að þetta stendur þér nærri [1] og því ertu blóðheitur með þetta, en þetta stendur mér líka nærri svo við skulum frekar bara hjálpast að en að röfla um svona tittlingaskít :) --Óli Ágúst 21:31, 22 febrúar 2007 (UTC)
Ég neita því ekki að ég sé blóðheitur með þetta. Ég hygg að þetta sé rétt hjá þér, að við finnum heimildir og þá ætti þetta að verða skjótleyst. --Vesteinn 12:11, 24 febrúar 2007 (UTC)
Ég spurði föður minn hvað hann hefði um þetta að segja. Í ljós kom að í fyrsta lagi, þá eru skýr mörk, hvar Flateyjardalur og Flateyjardalsheiði mætast. Það er Eyvindará sem skilur á milli vestan við Dalsá, og Urðargil austan megin. Þessi mörk eru meira en mörk milli örnefna; þau voru jafnframt hreppamörk. Flateyjarhreppur náði yfir Flatey og bæina fimm á Flateyjardal, en Hálshreppur var fyrir sunnan, og var bærinn Eyvindará í Hálshreppi, og sömuleiðis aðrir bæir sunnan við mörkin. Enn fremur voru þarna sóknarmörk, þar sem bæirnir fyrir norðan sóttu kirkju í Flatey (og um tíma á Brettingsstaði), auk þess sem Eyvindará hvaði undanþágu til þess að sækja kirkju þangað, en bæirnir í Hálshreppi, frá Saurbrúarkoti og suður, sóttu kirkju fram í Fnjóskadal. Samþykkir fólk þá ekki að færslurnar séu tvær og aðskildar? Ég ítreka, að ég skal með ánægju skrifa um Flateyjardalsheiði. --Vesteinn 23:55, 25 febrúar 2007 (UTC)