Spilateningur

Fjórir venjulegir teningar.

Leirteningur frá Mohenjo-daro frá sirka 2600-1900 f.kr.

Spilateningur eða einfaldlega teningur er lítill hlutur með merktum hliðum sem fólk kastar til að fá tilviljanakenndar tölur eða önnur tákn, þá yfirleitt í tengslum við borðspil,spunaspil eða önnur spil.

Hefðbundinn spilateningur er teningur með sex hliðar merktar með mismörgum punktum frá 1 og upp í 6. Það eru þó til eru til spilateningar merktir með öðrum hætti og jafnvel með öðrum fjölda hliða. Einnig eru til staðar heimildir um að teningar hafi stundum verið notaðir við framkvæmd guðsdóma. Uppruni teninga er óþekktur en þeir eru taldir hafa verið í notkun fyrir upphaf ritaðrar mannkynssögu.

Spilateningar eru yfirleitt framleiddir úr hörðu plasti sem þola þá að vera kastað margsinnis. Áður en plast kom til sögunnar þá voru teningar oft úr beinum, steinum, tré eða leir.

Uppbygging

Almennt eru spilateningar þá teningslaga, yfirleitt 1,6cm á hvern kannt, sem eru merktir á hverri hlið með mismörgum punktum frá 1 upp í 6 (stundum eru tölustafir notaðir, en slíkir teningar eru sjaldgæfari).

Summa talna af andstæðum hliðum er 7, þannig að ef ein hlið hefur 5 punkta þá er 2 á andstæðri hlið teningsins.

Afbrigði af spilateningum

Fjölbreitt afbriðgi af spilateningum sem notaðir eru í spunaspilum

Það eru til fjölmörg afbrigði af spilateningum, þar sem lögun þeirra er ekki lengur teningar en kallast áfram spilateningar en eru yfirleitt nefndir eftir fjölda hliða sem þeir hafa með forskeytinu „d“ (sem er tilvísun í enska orðið dice) t.d. d6 er þá hefðbundinn spilateningur með 6 hliðar en d20 hefur þá 20 hliðar.