Songs from the Wood er 10. breiðskífa ensku hljómsveitarinnar Jethro Tull. Hún er blanda af þjóðlagarokki og framsæknu rokki. Litið er á hana ásamt Heavy Horses (1978) og Stormwatch (1979) sem þjóðlagarokksþrennu. Textarnir fjalla um sveitalíf og goðsagnir.
Lagið Ring Out, Solstice Bells var gefið út á stuttskífu fyrir jólin 1976 og hefur síðan verið vinsælt jólalag í Bretlandi síðan [1]. The Whistler var einnig gefið út sem smáskífa. Platan var sú fyrsta með Dee Palmer, hljómborðsleikara, sem opinberan meðlim. Hún náði 8. sæti á Billboard 200-plötusölulistanum stuttu eftir að hún kom út. [2]
Platan var síðar gefin út með aukalögum 2003 og veglegri afmælisútgáfu árið 2017 þar sem Steven Wilson sá um endurhljóðblöndun.
