Skjaldarmerki Panama

Skjaldarmerki Panama

Skjaldarmerki Panama er skjaldarmerki ríkisins Panama í Mið-Ameríku og byggist á sömu lögum og gilda um fána Panama.

Myndirnar á skildinum tákna (í röð að ofan) sverð og riffill sem tákn fyrir borgarastyrjaldirnar sem landið hefur gengið í gegnum, skófla og hlújárn sem tákn fyrir vinnu, í miðjunni er mynd af Panamaeiðinu með sól og tungl, gnægtarhornið táknar velsæld, og vængjað hjól táknar framfarir. Yfir skildinum er harpörn, þjóðarfugl Panama, með borða í goggnum þar sem kjörorðið „Pro Mundi Beneficio“ er ritað. Yfir erninum eru tíu stjörnur sem tákna tíu sýslur landsins. Sitt hvoru megin við skjöldinn eru fjórir fánar Panama.

Tilvísanir

  Þessi grein er stubbur. Þú getur hjálpað til með því að bæta við greinina.