Silja Bára Ómarsdóttir
Silja Bára R. Ómarsdóttir | |
|---|---|
 | |
| Fædd | 23. apríl 1971 |
| Menntun | Lewis & Clark College, Suður-Kaliforníuháskóli. |
| Störf | Rektor Háskóla Íslands og prófessor í stjórnmálafræði við skólann |
| Titill | Rektor Háskóla Íslands |
| Vefsíða | www.siljabara.is |
Silja Bára R. Ómarsdóttir (f. 23. apríl 1971) er íslenskur alþjóðastjórnmálafræðingur og prófessor við stjórnmálafræðideild Háskóla Íslands. Hún var kjörin rektor Háskóla Íslands 27. mars 2025 og tekur við embætti 1. júlí 2025. Rannsóknir hennar beinast einkum að utanríkisstefnu Íslands, femínískri öryggis- og alþjóðamálafræði, og norðurslóðamálum. Hún er þekkt fyrir störf sín að jafnréttismálum, mannréttindamálum og í Stjórnlagaráði.[1]
Æska og menntun
[breyta | breyta frumkóða]Silja ólst upp í Ólafsfirði, Akureyri og Reykjavík. Hún lauk stúdentsprófi frá Menntaskólanum við Hamrahlíð árið 1990, BA-gráðu í alþjóðasamskiptum frá Lewis & Clark College árið 1995, meistaraprófi frá University of Southern California árið 1998 og doktorsprófi frá University College Cork árið 2018.
Starfsferill
[breyta | breyta frumkóða]Fræðilegur ferill
Silja hefur starfað við Háskóla Íslands frá árinu 2005, fyrst sem aðjúnkt og síðar sem prófessor. Hún gegndi stöðu forstöðumanns Alþjóðamálastofnunar HÍ á árunum 2006–2008[2]. Árið 2023 tók hún við stöðu ritstjóra hins virta fræðirits Scandinavian Political Studies[3]. Hún hefur verið virk í kennslu og leiðbeiningu á sviði stjórnmálafræði og alþjóðasamskipta auk þess að hafa umsjón með námsbraut í alþjóðasamskiptum.
Rannsóknir og birtingar
Rannsóknir Silju hafa sérstaklega rannsakað um áhrif kynjasjónarmiða í utanríkis- og öryggisstefnu, málefni norðurslóða og kyn- og frjósemisréttindi[4]. Hún hefur birt fjölda vísindagreina, bókarkafla og ritstýrt ýmsum fræðiritum, þar á meðal Íðorðasafni í alþjóðastjórnmálum og stjórnmálafræði (2021). Doktorsritgerð hennar um mótun þjóðaröryggisstefnu Íslands hlaut viðurkenningu frá írsku samtökunum Political Studies Association of Ireland árið 2019.
Opinber og samfélagsleg störf
Silja var kjörin fulltrúi á stjórnlagaþing árið 2010 og veitt formennsku einni af þremur nefndum Stjórnlagaþings[5]. Hún gegndi stöðu formanns Jafnréttisráðs Íslands á árunum 2019–2021 og sat í stjórn Rauða krossins á Íslandi frá 2018-2025. Hún var kjörin formaður árið 2022[6] og gengdi því embætti þar til hún lét af stjórnarsetu 2025.[7]
Rektor Háskóla Íslands
Þann 27. mars 2025 var Silja kjörin rektor Háskóla Íslands og hlaut hún 50,7% atkvæða í seinni umferð kosninganna. Hún er önnur konan í sögu skólans til að gegna embætti rektors og tekur formlega við embættinu þann 1. júlí 2025 af Jóni Atla Benediktssyni.[8]
Tenglar
[breyta | breyta frumkóða]Tilvísanir
[breyta | breyta frumkóða]- ↑ „Silja Bára kjörin rektor Háskóla Íslands“. Háskóli Íslands. Sótt 28. mars 2025.
- ↑ „Silja Bára R. Ómarsdóttir - Prófessor“. Háskóli Íslands. Sótt 23 júní 2025.
- ↑ „Scandinavian Political Studies“. Wiley Online Library (enska). Sótt 23 júní 2025.
- ↑ „Silja Bára R. Ómarsdóttir“. iris.rais.is. Sótt 23 júní 2025.
- ↑ „Þingfulltrúar - Silja Bára Ómarsdóttir“. stjornlagarad.is. Sótt 23 júní 2025.
- ↑ Vettvangur. „Silja Bára R. Ómarsdóttir nýr formaður Rauða krossins á Íslandi“. Rauði krossinn á Íslandi. Sótt 23 júní 2025.
- ↑ Vettvangur. „Sigríður tekur við formennsku af Silju Báru“. Rauði krossinn á Íslandi. Sótt 23 júní 2025.
- ↑ „Silja Bára kjörin rektor Háskóla Íslands“. Háskóli Íslands. Sótt 23 júní 2025.
