Silfurhesturinn
Silfurhesturinn (stundum uppnefndur Sokki) voru bókmenntaverðlaun dagblaðanna í Reykjavík og voru veitt af bókmenntagagnrýnendum. Verðlaunin voru ekki bundin við skáldverk eingöngu heldur líka rit sem voru talin hafa bókmenntalegt gildi. Silfurhesturinn var veittur fyrst árið 1967 og á hverju ári til ársins 1974. Jóhannes Jóhannesson smíðaði gripinn.
Um tíma var Silfurhesturinn kallaður „Sokki“. Það var vegna rifrildis sem hófst um Silfurhestinn árið 1968 þegar Guðbergur Bergsson, þá enn umdeildur höfundur, hlaut verðlaunin. Ragnar í Smára lét þá svo um mælt við afhendingu verðlaunanna að þetta væri djarfasta verðlaunaveiting sem sögur færu af.
Verðlaunahafar
[breyta | breyta frumkóða]- 1967 - Snorri Hjartarson - Lauf og stjörnur
- 1968 - Guðbergur Bergsson - Ástir samlyndra hjóna
- 1969 - Halldór Laxness - Kristnihald undir Jökli
- 1970 - Helgi Hálfdanarson - (...fyrir Shakespeare-þýðingar sínar. Helgi tók ekki við verðlaununum því hann hafði þá reglu að þiggja ekki viðurkenningu af neinu tagi). [1]
- 1971 - Jóhannes úr Kötlum - Ný og nið
- 1972 - Indriði G. Þorsteinsson - Norðan við stríð
- 1973 - Ólafur Jóhann Sigurðsson - Hreiðrið
- 1974 - Hannes Pétursson - Ljóðabréf
- 1975 - Enginn silfurhestur veittur. [2]
