Sigurður Gizurarson
Sigurður Gizurarson | |
|---|---|
 Sigurður Gizurarson, hæstaréttarlögmaður og fyrrverandi sýslumaður. | |
| Fæðing | 2. mars 1939 Reykjavík, Ísland |
| Þjóðerni | Íslendingur |
| Skóli | Háskóli Íslands (lögfræði, 1967) |
| Störf | Lögfræðingur, sýslumaður, hæstaréttarlögmaður |
| Þekkt fyrir | Lögmaður landeigenda í Laxárdeilunni |
| Þekktustu verk | Laxárdeilan – Lögmaður landeigenda segir frá (1991) |
| Embætti | Sýslumaður í Þingeyjarsýslu |
Sigurður Gizurarson (fæddur 2. mars 1939) er íslenskur lögfræðingur, fyrrum sýslumaður og hæstaréttarlögmaður. Hann gegndi embætti sýslumanns bæði í Þingeyjarsýslu og á Akranesi, þar sem hann starfaði áður sem bæjarfógeti, auk þess sem hann rak eigin lögmannsstofu í Reykjavík og síðar á Seltjarnarnesi. Hann var lögmaður landeigenda í Laxárdeilunni og gaf síðar út bók um deiluna.[1]
Menntun og æskuferill
[breyta | breyta frumkóða]Sigurður fæddist í Reykjavík árið 1939 og ólst þar upp. Hann lauk stúdentsprófi frá Menntaskólanum í Reykjavík 1959 með ágætiseinkunn.[2] Hann hlaut einnig verðlaun frá Stærðfræðifélagi Íslands fyrir námsárangur.[3]
Sigurður stundaði nám í alþjóðarétti og tungumálum við Ruprecht-Karls-Universität í Heidelberg 1959–1960 og við Université de Grenoble 1960–1961. Hann hóf síðan nám í lögfræði við Háskóla Íslands og lauk embættisprófi 27. janúar 1967.[4] Hann öðlaðist héraðsdómslögmannsréttindi 20. október 1967 og málflutningsréttindi fyrir Hæstarétti árið 1972.
Starfsferill
[breyta | breyta frumkóða]Að loknu námi starfaði Sigurður sem fulltrúi sýslumannsins í Rangárvallasýslu 1967, starfaði við sendiráð Íslands í París 1968, var fulltrúi bæjarfógetans í Kópavogi 1968–1969 og fulltrúi í viðskiptaráðuneytinu 1969. Hann rak eigin lögfræðiskrifstofu 1969–1974, var aðstoðarmaður og ráðgjafi Einars Ágústssonar utanríkisráðherra um varnarmál 1973–1974,[5] og var sýslumaður í Þingeyjarsýslu 1974–1985. Hann var bæjarfógeti á Akranesi frá 1985 og síðar sýslumaður þar 1992–1998.
Laxárdeilan
[breyta | breyta frumkóða]Á árunum 1969–1972 var Sigurður lögmaður landeigenda í Aðaldal og Mývatnssveit í Laxárdeilunni. Deilan spratt af áformum stjórnvalda um virkjun Laxár og leiddi meðal annars til atburða árið 1970 þegar stífla í ánni var sprengd.[6] Í kjölfarið urðu dómsmál þar sem Sigurður kom fram fyrir hönd landeigenda.[7]
Embættisstörf
[breyta | breyta frumkóða]Sigurður var skipaður sýslumaður í Suður-Þingeyjarsýslu árið 1974 með aðsetur á Húsavík.
Hann var skipaður bæjarfógeti á Akranesi 1. nóvember 1985 og varð sýslumaður á Akranesi þegar embætti bæjarfógeta var lagt niður árið 1992. Hann gegndi því embætti til ársins 1998.[8] Að lokinni þjónustu í embætti settist Sigurður að á Seltjarnarnesi og stofnaði eigin lögfræðiskrifstofu.
Trúnaðarstörf
[breyta | breyta frumkóða]Sigurður átti sæti í stjórnarskrárnefnd Alþingis á áttunda áratugnum.[9] Hann átti einnig sæti í þjóðhátíðarnefnd Reykjavíkur 1974.[10] Hann sat í stjórn Dómarafélags Íslands 1985–1986.[11]
Ritverk
[breyta | breyta frumkóða]Útgefnar bækur
[breyta | breyta frumkóða]- Gluggað í dómnefndarálit: nokkrar spurningar um réttarheimspeki og eignarrétt (1994), Reykjavík.
- Laxárdeilan – Lögmaður landeigenda segir frá (1991), Reykjavík: Skákprent.
Greinar í tímaritum
[breyta | breyta frumkóða]- „Lögteikn og lögtrúnaður“ (1965). Úlfljótur, 18. árg., 2. tbl., bls. 87–114.
- „Í sjónhendingu: UNCTAD og þriðji heimurinn“ (1968). Úlfljótur, 21. árg., 4. tbl., bls. 335–357.
- „Gildir þingunarreglan að íslenzkum lögum?“ (1970). Úlfljótur, 23. árg., 2. tbl., bls. 123–175.
- „Umboðsmaður Alþingis“ (1987).
- „Um viðskiptabréf“ (1988). Úlfljótur, 41. árg., 1. tbl., bls. 7–39.
- „Lagaárekstrar og lagasamræming“ (1990). Úlfljótur, 43. árg., 2. tbl., bls. 119–153.
- „Er þörf á lögum um útboð hér á landi?“ (1991). Tímarit lögfræðinga.
- „Með lögum skal land byggja“ (1994). Úlfljótur, 47. árg., 4. tbl., bls. 451–460.
- „Í sjónhendingu: UNCTAD og þriðji heimurinn“ (2006). Úlfljótur.
Kaflar í afmælisritum
[breyta | breyta frumkóða]- „Fossanefndin 1917–1919: aðdragandi að setningu vatnalaga nr. 15/1923“ (1992). Í Afmælisriti Gizurar Bergsteinssonar níræðs.
- „Eignarnámsmat fasteigna í ljósi skipulagsáætlana“ (2001). Í Afmælisriti til heiðurs Gunnari G. Schram sjötugum.
- „Örninn í Hvallátrum“ (2002). Í Afmælisriti Guðmundar Ingva Sigurðssonar áttræðs.
Tilvísanir
[breyta | breyta frumkóða]- ↑ Tíminn (1992). Ný bók um Laxárdeiluna. Vísir. bls. 2.
- ↑ Háskóli Íslands (1962). „Árbók Háskóla Íslands: Laga og viðskiptadeildin“. Háskóli Íslands. Sótt 12 2025.
- ↑ Jóhann Sigurðsson (2010). „Íslenska stærðfræðifélagið – Verðlaun“. Íslenska stærðfræðifélagið. Sótt 12 2025.
- ↑ Háskóli Íslands (1969). „Árbók Háskóla Íslands Háskólaárið 1966–67“. Háskóli Íslands. Sótt 12 2025.
- ↑ Einar Ágústsson (nóvember 1973). „6. mál, öryggismál Íslands“. Alþingi. Sótt 12 2025.
- ↑ Vísir (ágúst 1970). „Notuðu dýnamít Laxárvirkjunar til að sprengja sundur stífluna“. Vísir. Sótt desember 2025.
- ↑ Vísir (ágúst 1974). „45 milljónirnar og skrif vísis“. Vísir. Sótt desember 2025.
- ↑ „Ljósmindasafn Akraness – bæjarfógeti á Akranesi“. Ljósmindasafn Akraness. Sótt 12 2025.
- ↑ Alþingi (1983). „537. Frumvarp til stjórnskipunarlaga (243. mál)“ (PDF). Alþingi. Sótt 12 2025.
- ↑ Þjóðviljinn (september 1973). „Þriggja daga þjóðhátíð í Reykjavík“. Þjóðviljinn. Sótt 12 2025.
- ↑ „Dagblaðið Vísir - DV - 37. tölublað (27.02.2009)“. Tímarit.is. Sótt 12 2025.