Sigrún Gyða Sveinsdóttir
Sigrún Gyða Sveinsdóttir (fædd í Reykjavík 14. Júlí 1993) er íslenskur myndlistarmaður, óperusöngkona, tónskáld og sviðshöfundur sem vinnur á mörkum myndlistar, gjörninga og tónlistar. Verk hennar sameina oft klassískan söng og tónsmíðar, uppákomur, myndbandsverk, málverk, textíl og innsetningar.
Nám
[breyta | breyta frumkóða]Sigrún Gyða innritaðist í Listaháskóla Íslands og lauk BA-gráðu í myndlist 2017. Samhliða lærði hún hljóðfæraleik og klassískan söng í Tónlistarskóla Kópavogs og útskrifaðist þaðan 2019. Eftir það hélt hún til Hollands og tók MA-gráðu í Moving Image frá Sandberg Instituut í Amsterdam 2021.
Helstu viðfangsefni
[breyta | breyta frumkóða]Röddin er miðlæg í listsköpun Sigrúnar Gyðu og hún notar hana bæði sem hljóðfæri og miðil til að fjalla um samfélagsleg málefni. Í verkum hennar takast á valdakerfi og eftirlitsþjóðfélag, kynjapólitík og femínísk sjónarhorn, náttúruvá og loftslagskvíði, íþróttir og keppnisharka, þjóðsögur og raunheimur nútímans. Hún beitir húmor og alvöru jöfnum höndum og vinnur með sjálfsævisögulegar frásagnir þar sem söngræn tjáning mætir hversdagslegum reynsluheimi.
Verk og sýningar
[breyta | breyta frumkóða]Verk Sigrúnar Gyðu hafa verið sýnd í Reykjavík, Amsterdam og víðar um Evrópu. Hún hefur einnig tekið þátt í sýningum á borð við Art Rotterdam og alþjóðlegum myndlistar- og gjörningahátíðum.
- 2019. Plan B. (Samsýning). Borgarnes
- 2019. Ég vil að þú teiknir mig eins og eina af frönsku stúlkunum þínum. (Vídeoverk frumsýnt á sýningunni Allt á sama tíma. Hafnarborg, Hafnarfirði.
- 2021. Hlaupa, óperetta. Het Hem, Amsterdam
- 2024. Mid, time of the foresighted silence, Listasafn Reykjavíkur/Art Rotterdam/IJsselbiennale
- 2024. Algleymi, bið að heilsa. (Myndlistarsýning). Köllunarklettsvegur 4 Reykjavík
- 2024. Skjóta. Ópera. Ásmundarsalur
- 2024. Undanfarið (með Rannveigu Jónsdóttur). Höggmyndagarðurinn, Nýlendugötu 17a
- 2025 My life is an opera, Kino Regina, Helsinki (Í boði Íslenska sendiráðsins í Finnandi. Einnig sýnt í Nieuwe vide, Haarlem)
- 2026. Grooming, einræða fyrir hestastelpu. (Ásamt Móu Holgersson, gjörningur), Bók um bók, Njálsgötu 11
Annað
[breyta | breyta frumkóða]Sigrún Gyða er hlaupari og hefur tekið þátt í víðavangshlaupum og maraþonhlaupum bæði hérlendis og erlendis.