Tengslavilla

Skýringarmynd sem lýsir tengslavillu: A er stak í bæði S1 og S2. B er stak í S2. Því hlýtur B líka að vera stak í S1 (sem er röng ályktun).

Tengslavilla eða sekt vegna tengsla er formleg rökvilla sem felst í því að fullyrða að eiginleikar eins hlutar hljóti að vera þeir sömu og eiginleikar annars hlutar, ef báðir hlutir tilheyra sama flokki. Dæmi um slíka fullyrðingu er „Birnir eru dýr, og birnir eru hættulegir. Hundurinn þinn er líka dýr, svo hann hlýtur að vera hættulegur“.

Þegar tengslavilla er notuð til að ráðast á trúverðugleika einhvers með því að tengja viðkomandi við hluti eða fólk sem áheyrendum er illa við, er það kallað „sekt vegna tengsla“. Slík rök eru oft flokkuð með persónurökum (ad hominem) þar sem ráðist er að persónu fremur en málflutningi hennar.

  Þessi grein er stubbur. Þú getur hjálpað til með því að bæta við greinina.