Scotland Yard
Scotland Yard (opinberlega New Scotland Yard) eru höfuðstöðvar Metropolitan-lögreglunnar, lögregluliðs Stór-Lundúnasvæðisins. Nafnið er dregið af upphaflegum höfuðstöðvum lögregluliðsins í Whitehall-höll. Þar sneri aðalinngangur byggingarinnar út að götu í Westminster sem heitir Great Scotland Yard.[1] Með tímanum varð heitið Scotland Yard að samheiti yfir Metropolitan-lögregluna.
Árið 1890 flutti lögreglan höfuðstöðvar sínar í nýbyggða byggingu á Victoria Embankment sem fékk heitið „New Scotland Yard“.[2] Árið 1967 voru höfuðstöðvarnar fluttar í stærra hús við Broadway og síðast árið 2016 aftur til Westminster í nýja byggingu.[3]
Rannsóknarlögreglumenn Metropolitan-lögreglunnar (sem „Scotland Yard“) koma víða fyrir í skáldskap og afþreyingarmenningu, til dæmis í sögum Arthur Conan Doyle um Sherlock Holmes og Dr. Jekyll og hr. Hyde eftir Robert Louis Stevenson. New Scotland Yard kemur líka fyrir í myndasögunni V for Vendetta eftir Alan Moore. Scotland Yard var kvikmyndaröð um sönn sakamál sem var sýnd í kvikmyndahúsum frá 1953 til 1961.[4]
Tilvísanir
[breyta | breyta frumkóða]- ↑ „History of the Metropolitan Police Service“. Metropolitan Police Service. Afrit af upprunalegu geymt þann 3 júlí 2013. Sótt 22. mars 2017.
- ↑ Hutton, Mike (15. mars 2012). The Story of Soho: The Windmill Years 1932–1964. bls. 104. ISBN 978-1-445-60684-2.
- ↑ „New Metropolitan Police HQ announced as Curtis Green Building“. BBC News. 20 maí 2013. Sótt 22 maí 2013.
- ↑ „Episode Guide for 'Scotland Yard' made by Merton Park Studios“. radiosoundsfamiliar.com. Afrit af upprunalegu geymt þann 21 júlí 2013.
