San Juan-hérað (Argentínu)

San Juan-hérað er hérað í vestur-Argentínu. Flatarmál er tæpir 87.000 km2 og er íbúafjöldi héraðsins 818.000 (2022). Höfuðborgin er San Juan. Næstmestu vínræktarhéruð Argentínu eru í San Juan á eftir nærliggjandi Mendoza-héraði. Andesfjöll eru í vesturhlutanum og rísa þau hæst í 6.720 metra hæð í Cerro Mercedario, áttunda hæsta fjalli Suður-Ameríku.

Árið 1944 varð jarðskjálfti í San Juan þar sem höfuðborgin eyðilagðist og um 10.000 létust.