Sambíóin Álfabakka
Sambíóin Álfabakka (áður Bíóhöllin og Sagabíó) var kvikmyndahús í Mjóddinni, Breiðholti í Reykjavík og það fyrsta af Sambíóunum sem sett var upp í Reykjavík. Húsið var opnað 2. mars 1982 og bauð þá upp á fjóra sýningarsali. Kvikmyndahúsið var það fyrsta sem Árni Samúelsson og fjölskylda hans settu upp í Reykjavík, en þau höfðu áður rekið Nýja bíó við Hafnargötuna í Keflavík. Fyrsta myndin sem sýnd var í Bíóhöllinni var Being There með Peter Sellers í aðalhlutverki.
Bíóhöllin bryddaði upp á ýmsum nýjungum eins og að sýna myndir mjög stuttu eftir að þær komu út en áður leið gjarnan langur tími þar til myndir bárust til Íslands. Helst ber þar að nefna þegar Bíóhöllin heimsfrumsýndi The King of Comedy, eftir Martin Scorsese, annan í jólum 1982, en hún var ekki frumsýnd í Bandaríkjunum fyrr en rúmlega mánuði seinna. Húsið var annað kvikmyndahúsið á Íslandi á eftir Bíóborginni sem útbúið var mynd og hljóðgæðum sem uppfylltu THX-staðalinn árið 1989.
Þann 29. nóvember 1991 byrjaði kvikmyndahúsakeðja Árna Samúelssonar að nota nafnið Sambíóin. Sama dag var opnað nýtt kvikmyndahús með tveimur sölum í Álfabakkanum sem gekk fyrst um sinn undir nafninu Sagabíó.[1] Nafnið var valið úr mörg hundruð þúsund tilögum í keppni um nafn á kvikmyndahúsið og fékk sigurvegarinn Toyota Hi-Lux-bifreið í verðlaun.[2] Sagabíó og Bíóhöllin voru rekin undir sameiginlega nafninu Sambíóin Álfabakka. Þar voru sex salir sem tóku samtals yfir 1000 manns í sæti; fimm almennir salir og einn VIP-salur.[3]
Tilvísanir
[breyta | breyta frumkóða]- ↑ „Frumsýna 6 kvikmyndir í dag vegna opnunar Saga-Bíós“. Morgunblaðið. 29. nóvember 1991. bls. 30.
- ↑ „Fimmtán manns voru með nafnið Sagabíó“. Morgunblaðið. 18. október 1991. bls. 16.
- ↑ „Álfabakki“. Sambíó. Sótt 15.2.2026.
- ↑ Kjartan Leifur Sigurðsson (10.1.2026). „Hringnum lokað í Álfabakka“. Mbl.is.
- ↑ Þórdís Arnljótsdóttir (4.2.2026). „Sætin úr Bíóhöllinni fullkomna salinn í kjallaranum heima“. RÚV.
