Sambíóin

Úr Wikipediu, frjálsa alfræðiritinu
Jump to navigation Jump to search

Sambíóin er fyrirtæki sem rekur kvikmyndahús. Fyrirtækið var stofnað 1. janúar 1990[1] af Árna Samúelssyni. Kvikmyndahúskeðja Árna samanstóð af Bíóhöllinni í Álfabakka 8 sem opnaði 2. mars 1982, Bíóborginni sem opnaði 20. maí 1987[2] og Nýja bíó í Keflavík. Með tilkomu Bíóhallarinnar var í fyrsta skipti hægt að sjá nýjustu stórmyndirnar á sama tíma og þær voru sýndar erlendis.[3] Kvikmyndakeðja Árna Samúelssonar byrjaði að auglýsa undir nafninu 29. nóvember 1991. Sama dag opnuðu Sambíóin kvikmyndahúsið Saga-Bíó í Álfabakka 8.[4]

Í október 1993 fóru sambíóin að setja upp sjóðsvélar eftir að ríkisskattstjóri senti Sambíóunum fyrirmæli um að skrá bæði miða- og sælgætissölu. Þá voru sjóðsvélar þegar komnar í kvikmyndahúsið Regnbogann.[5] Rekstur Sambíóana var þó ekki bundinn við kvikmyndahús því í júlí 1994 hófu Sambíóin samstarf við Saga film og Japis við stofnun kapalsjónvarps[6] og í september sama árs stofnuðu Sambíóin útvarpstöðina FM (sem síðar varð FM 957) sem hafði aðstöðu í höfuðstöðvum Sambíóana í mjóddinni.[7]

Sambíóin stækkuðu við sig 26. desember 1996 með opnun Sambíóanna í Kringlunni, kaupum þeirra á Nýja bíó í Akureyri árið 2000 og núna síðast opnuðu Sambíóin kvikmyndahús í Egilshöll 4. nóvember 2010.[8]

Tilvísanir[breyta | breyta frumkóða]

  1. Sam-félagið ehf - Fyrirtækjaskrá ríkisskattstjóra
  2. Bíóborgin opnuð, Morgunblaðið, 117. tölublað (26.05.1987), Blaðsíða 74
  3. Ég lít ekki upp til fræga fólksins Dagblaðið Vísir - DV, 289. tölublað - Helgarblað (17.12.1994), Blaðsíða 34
  4. Frumsýna 6 kvikmyndir í dag vegna opnunar Saga-Bíós Morgunblaðið, 273. tölublað (29.11.1991), Blaðsíða 30
  5. Sambíóin fá vélar fljótlega Morgunblaðið, 243. tölublað (26.10.1993), Blaðsíða 21
  6. Fáir næðu sendingum í byrjun Dagblaðið Vísir - DV, 147. tölublað - Helgarblað (02.07.1994), Blaðsíða 4
  7. Ég lít ekki upp til fræga fólksins Dagblaðið Vísir - DV, 289. tölublað - Helgarblað (17.12.1994), Blaðsíða 35
  8. Árni Sam í skýjunum með nýtt kvikmyndahús: „Trúlega eitt allra flottasta bíó heims í dag“ Pressan (4. nóvember 2010).