Saga úr Vesturbænum

Írska gengið úr samnefndri kvikmynd frá 1961.

Saga úr Vesturbænum er söngleikur sem frumsýndur var árið 1957. Tónlistin er eftir Leonard Bernstein, söngtextar eftir Stephen Sondheim og leiktexti eftir Arthur Laurents. Söngleikurinn er lauslega byggður á leikritinu Rómeó og Júlía eftir William Shakespeare.

Verkið fjallar um gengjastríð milli drengja frá Púertó Ríkó og drengja af írskum uppruna sem eru allir búsettir í New York-borg. Á meðan gengjastríðið geysar verður írskur drengur og systir leiðtoga Púertóríkana ástfangin og áforma að hlaupast á brott saman.