Sabbath Bloody Sabbath er fimmta breiðskífa ensku hljómsveitarinnar Black Sabbath . Hljómsveitin ætlaði að taka hana upp í Los Angeles eins og síðustu plötu en Tony Iommi var með ritstíflu og ekki hjálpaði óhóflegt líferni hans og annarra hljómsveitarmeðlima. Sveitin hélt því til Englands og leigði kastala til æfinga í Gloucestershire og tók svo plötuna upp í London. Útkoman varð með fjölbreyttari útfgáfum sveitarinnar. Rick Wakeman úr hljómsveitinni Yes spilaði á píanó og hljóðgervil í laginu Sabbra Cadabra og þáði hann bjór fyrir vikið. Lögin Spiral Architecht og A National Acrobat fjalla um DNA og getnað [1].
