Ragnar Bjarnason og Elly Vilhjálms - Járnhausinn

Úr Wikipediu, frjálsa alfræðiritinu
(Endurbeint frá SG 508)
Jump to navigation Jump to search
Járnhausinn
Forsíða Ragnar Bjarnason og Elly Vilhjálms - Járnhausinn

Bakhlið Ragnar Bjarnason og Elly Vilhjálms - Járnhausinn
Bakhlið

Gerð SG - 503
Flytjandi Ýmsir
Gefin út 1965
Tónlistarstefna Söngleikur
Útgáfufyrirtæki SG - hljómplötur

Járnhausinn er 45 snúninga hljómplata gefin út af SG - hljómplötum árið 1965. Á henni flytja Ellý Vilhjálms, Ragnar Bjarnason og Ómar Ragnarsson ásamt hljómsveit Svavars Gests sex lög úr samnefndum söngleik eftir bræðurna Jónas og Jón Múla Árnasyni. Um útsetningu laga sá Magnús Ingimarsson.

Lagalisti[breyta | breyta frumkóða]

  1. Undir stórasteini - Söngur Ragnar Bjarnason Hljóðdæmi 
  2. Án þín - Söngur: Ellý Vilhjálms - Ragnar Bjarnason
  3. Hvað er að - Söngur: Ellý Vilhjálms
  4. Við heimtum aukavinnu - Söngur: Ómar Ragnarsson
  5. Stúlkan mín - Söngur: Ragnar Bjarnason
  6. Sjómenn íslenzkir erum við - Söngur: Ómar Ragnarsson - Ragnar Bjarnason

Undir Stórasteini[breyta | breyta frumkóða]

Það var eitt sinn ógnar lítið stelpuhró
sem fór oft með mér fram að sjó.
Hún var klædd í ullarpeysu oná tær,
með freknótt nef og fléttur tvær.
Saman tvö í fjörunni við undum okkur vel
meðan kollan var að kafa eftir kuðungi og skel.
Og á kvöldin þegar sólin sigin var
sátum við í næði, bæði, undir Stórasteini,
þar sem hún, í leyni, lagði vanga sinn
ósköp feimin upp við vanga minn.
Síðan hef ég konur séð í Cairó,
í Mandalay, í Mexíkó.
Líka þær sem kyrrahafið kafa í
og eiga heima á Hawaii.
Sumar klæddust hálmi þegar þeim var heitt
en aðrar bara klæddust ekki yfirleitt í neitt.
Alltaf samt í huga mér og hjarta bjó
hún sem klæddist ullarpeysu undir Stórasteini.
Forðum tíð, í leyni, lagði vanga sinn
ósköp feimin upp við vanga minn.

Jónas Árnason