Súkúmí
Súkúmí
| |
|---|---|
 | |
  Súkúmí Staðsetning í Abkasíu | |
| Hnit: 43°00′12″N 41°00′55″A / 43.00333°N 41.01528°A | |
| Land (de jure) |  Georgía |
| Land (de facto) |  Abkasía |
| Flatarmál | |
| • Samtals | 372 km2 |
| Mannfjöldi (2022, áætlun)[1] | |
| • Samtals | 65.146 |
| • Þéttleiki | 180/km2 |
| Tímabelti | UTC+03:00 |
| Vefsíða | www |
Súkúmí (abkasíska: Аҟәа, Aqwa; georgíska: სოხუმი, Sokumi; rússneska: Сухум(и), Súkúmí) er borg á strönd Svartahafs. Hún er höfuðborg de facto ríkisins Abkasíu sem hefur farið með völd í héraðinu frá Stríðinu í Abkasíu 1992-1993. Flest ríki líta svo á að Abkasía sé hérað í Georgíu.
Hægt er að rekja sögu Súkúmí til 6. aldar f.Kr. þegar Grikkir stofnuðu þar nýlendu sem þeir kölluðu Díoskúrías. Mikið af þeirri borg hvarf undir yfirborð Svartahafs á næstu öldum. Borgin var nefnd Tskhumi þegar Konungsríkið Abkasía var stofnað á miðöldum. Hún varð hluti af Tyrkjaveldi á 8. áratug 16. aldar. Rússneska keisaradæmið lagði héraðið undir sig 1810. Eftir Rússnesku borgarastyrjöldina varð hún hluti af Sovétríkjunum og varð vinsæll sumardvalarstaður. Við upplausn Sovétríkjanna í upphafi 10. áratugar 20. aldar hófust átök Abkasa við Georgíumenn og borgin varð fyrir miklum skemmdum. Nú búa þar um 60.000 manns en íbúar voru helmingi fleiri undir lok Sovéttímans.[1]
Tilvísanir
[breyta | breyta frumkóða]- 1 2 „Государственный комитет Республики Абхазия по статистике“. ugsra.org (rússneska). Afrit af upprunalegu geymt þann 29. mars 2023. Sótt 24 apríl 2025.
