Sólskinskórinn - Sól skín á mig

Úr Wikipediu, frjálsa alfræðiritinu
Jump to navigation Jump to search
Sól skín á mig
Forsíða Sólskinskórinn - Sól skín á mig

Bakhlið Sólskinskórinn - Sól skín á mig
Bakhlið

Gerð SG - 573
Flytjandi Sólskinskórinn
Gefin út 1973
Tónlistarstefna Barnalög
Útgáfufyrirtæki SG - hljómplötur

Sól skín á mig er 45-snúninga hljómplata gefin út af SG - hljómplötum árið 1973. Á henni flytur Sólskinskórinn fjögur ný barnalög. Um kórstjórn, hljómsveitarstjórn og útsetningar sá Magnús Pétursson. Ljósmynd á framhlið tók Kristinn Benediktsson.

Lagalisti[breyta | breyta frumkóða]

  1. Sól skín á mig - Lag - texti: S. Gilmark — Magnús Pétursson og Sveinbjörn Einarsson Hljóðdæmi 
  2. Kisu tango - Lag - texti: Japanskt barnalag — Magnús Pétursson
  3. Dönsum dátt - Lag - texti: S. Gilmark — Magnús Pétursson
  4. Sirkusinn er hér - Lag - texti: S. Gilmark — Magnús Pétursson


Sól, sól skín á mig[breyta | breyta frumkóða]

Sólin er risin, sumar í bænum,
sveitirnar klæðast nú feldinum grænum.
Ómar allt lífið af ylríkum söng
unaðsbjörtu dægrin löng.
Sól, sól skín á mig;
ský, ský burt með þig.
Gott er sólinni að gleðja sig.
Sól, sól skín á mig.
Blómbrekkur skrautlegar iðandi anga,
andblærinn gælir við marglita vanga.
Ómar allt lífið af ylríkum söng
unaðsbjörtu dægrin löng.
Sól, sól skín á mig…
Leikandi skarinn af ánægju iðar,
áin til samlætis glitrar og niðar.
Ómar allt lífið af ylríkum söng
unaðsbjörtu dægrin löng.
Sól, sól skín á mig…
Blómkrónur skínandi blöðum úr slétta.
Bikar sinn fullan af hunangi rétta.
Ómar allt lífið af ylríkum söng
unaðsbjörtu dægrin löng.
Sól, sól skín á mig…
Finnst mér nú tilveran órofa eining
úrelt sú kenning um mismun og greining.
Ómar allt lífið af ylríkum söng
unaðsbjörtu dægrin löng.


Textabrot af bakhlið plötuumslags[breyta | breyta frumkóða]

Á þessari hljómplötu eru fjögur barnalög, sem Hermann Ragnar Stefánsson danskennari valdi. En barnadansar hafa verið samdir við öll þessi lög og þeir kenndir í dansskóla hans sem og öðrum dansskólum hér á landi.

Falli þessi plata í góðan jarðveg má eiga von á annarri síðar með þessum sama kór, því fleiri skemmtileg lög eru fyrir hendi, sem notuð eru við kennslu í barnaflokkum dansskólanna. Sólskinskórinn er skipaður telpum, sem allar eru nemendur Magnúsar Péturssonar í Melaskólanum í Reykjavík, þar sem hann er söngkennari. En telpur úr Melaskólanum og Magnús Pétursson hafa nokkrum sinnum áður komið við sögu á SG-hljómplötum.