Síraksbók
Síraksbók er vísdómsbók samin á biblíuhebresku á 2. öld f.Kr. Hún geymir siðaboðskap sem eignaður er Jesúa ben Ezra ben Síra sem var hellenískur gyðingur sem var uppi á tíma síðara musterisins.[1]
Textinn var saminn milli 196 og 175 f.Kr. og barnabarn Jesús Sírakssonar þýddi hann á koine grísku og bætti við hann formála um 117 f.Kr. Formálinn er talinn elsta heimildin um þrískipta kanónu Hebresku Biblíunnar.[2] Síraksbók er einstök meðal bóka Biblíunnar að því leyti að hún nafngreinir höfund sinn, og hægt er að tímasetja hana með töluverðri nákvæmni. Hún hefur því mikla þýðingu fyrir rannsóknir á þróun Hebresku Biblíunnar.[3]
Síraksbók er ekki hluti af kanónu Hebresku Biblíunnar og telst því ekki til ritningarinnar í gyðingdómi. Hún er hluti af Sjötíumannaþýðingunni sem er grundvöllur Gamla testamentisins í kristni, og er því hluti af kanónu Gamla testamentisins í kaþólskri trú og austurkirkjunni. Meðal mótmælenda er Síraksbók ekki hluti af kanónu Gamla testamentisins, en er oft höfð með í Biblíuútgáfum sem apókrýft rit.[4]
Tilvisanir
[breyta | breyta frumkóða]- ↑ Williams, David Salter (1994). „The Date of Ecclesiasticus“. Vetus Testamentum. 44 (4): 563–566. doi:10.1163/156853394X00565. JSTOR 1535116.
- ↑ Gallagher, Edmon L.; Meade, John D. (2017). The Biblical Canon Lists from Early Christianity. Oxford: Oxford University Press. bls. 9–17. ISBN 978-0198792499.
- ↑ Singer, Isidore, ritstjóri (1905). „Sirach, The Wisdom of Jesus the Son of“. The Jewish Encyclopedia. 11. bindi. New York: Funk & Wagnalls. bls. 388–397.
- ↑ Readings from the Apocrypha. Forward Movement Publications. 1981. bls. 5.
