Sébastien Lecornu
| Sébastien Lecornu | |
|---|---|
.jpg) Lecornu árið 2022. | |
| Forsætisráðherra Frakklands | |
Núverandi | |
| Tók við embætti 9. september 2025 | |
| Forseti | Emmanuel Macron |
| Forveri | François Bayrou |
| Persónulegar upplýsingar | |
| Fæddur | 11. júní 1986 Eaubonne, Frakklandi |
| Þjóðerni | Franskur |
| Stjórnmálaflokkur | Endurreisn (2017–) Lýðveldisflokkurinn (2015–2017) Samband um þjóðarhreyfingu (2002–2015) |
| Háskóli | Université Paris-Panthéon-Assas |
Sébastien Lecornu (f. 11. júní 1986) er franskur stjórnmálamaður sem hefur verið forsætisráðherra Frakklands frá 9. september 2025. Lecornu er hægrisinnaður og aðhyllist gaullískar og félagslega íhaldssamar stjórnmálaskoðanir.[1]
Lecornu hefur verið ráðherra í öllum ríkisstjórnum Frakklands frá árinu 2017. Hann var varnarmálaráðherra í þrjú ár áður en hann varð forsætisráðherra og var yngsti varnarmálaráðherra í sögu Frakklands.[2]
Emmanuel Macron forseti skipaði Lecornu forsætisráðherra þann 9. september 2025 eftir að franska þingið lýsti yfir vantrausti á François Bayrou.[3] Lecornu tók við embætti í miðjum mótmælum gegn stefnu Macrons forseta. Hann lofaði því að vinna að „pólitískum og kerfislegum jöfnuði fyrir farsæld landsins“.[4]
Lecornu sagði af sér þann 6. október 2025, innan við mánuð frá því að hann var skipaður í embætti. Daginn áður hafði hann kynnt nýja ríkisstjórn sem var að mestu óbreytt frá stjórn Bayrou.[5] Næsta dag tilkynnti Lecornu afsögn sína og sagði skilyrði fyrir áframhaldandi setu sinni í embætti ekki fyrir hendi. Hann vísaði til þess að þingflokkar hefðu ekki verið reiðubúnir til að miðla málum milli ólíkra sjónarmiða.[6]
Macron endurútnefndi Lecornu forsætisráðherra þann 10. október, fáeinum dögum eftir að hann sagði af sér.[7] Hann stóð af sér vantrauststillögu með hjálp Sósíalistaflokksins þann 16. október eftir að hann tilkynnti að áætlunum um að hækka eftirlaunaaldur yrði frestað fram yfir næstu forsetakosningar og að fleiri sparnaðaraðgerðir yrðu ekki þvingaðar í gegn án atkvæðagreiðslu.[8]
Tilvísanir
[breyta | breyta frumkóða]- ↑ Dryef, Zineb (1. mars 2019). „Sébastien Lecornu, un jeune expert de la politique à l'ancienne“ [Sébastien Lecornu, ungur sérfræðingur í gamaldags stjórnmálum]. Le Monde (franska). Afrit af uppruna á 1. mars 2019. Sótt 10. september 2025.
- ↑ Samúel Karl Ólason (9. september 2025). „Skipar strax nýjan forsætisráðherra“. Vísir. Sótt 11. september 2025.
- ↑ Ingibjörg Sara Guðmundsdóttir (9. september 2025). „Macron útnefnir Lecornu sem nýjan forsætisráðherra“. RÚV. Sótt 11. september 2025.
- ↑ „Lecornu tekur við völdum í miðjum mótmælum“. mbl.is. 10. september 2025. Sótt 11. september 2025.
- ↑ Ragnar Jón Hrólfsson (5. október 2025). „Forsætisráðherra Frakklands kynnir nýja ríkisstjórn“. RÚV. Sótt 6. október 2025.
- ↑ Hallgrímur Indriðason (6. október 2025). „„Skilyrði fyrir að sitja áfram ekki uppfyllt"“. RÚV. Sótt 6. október 2025.
- ↑ Hugrún Hannesdóttir Diego (10. október 2025). „Lecornu endurútnefndur forsætisráðherra Frakklands“. RÚV. Sótt 18. október 2025.
- ↑ Hólmfríður Gísladóttir (16. október 2025). „Sósíalistar vörðu Lecornu vantrausti“. Vísir. Sótt 18. október 2025.
| Fyrirrennari: François Bayrou |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.