Sæmundur Hólm

Sæmundur Magnússon Hólm (1749 – 1821) var prestur og skáld og fræðimaður. Hann var prestur á Helgafelli í Helgafellssveit árin 1789-1819. Hann skrifaði mikið um náttúru Íslands, m.a. um Skaftárelda og var drátthagur maður, gerði kort af landi og myndir af samtíðarmönnum. Bjarni Thorarensen orti fræg eftirmæli um Sæmund en í þeim eru meðal annarra þessar ljóðlínur:

Því var Sæmundur

á sinni jarðreisu

oft í urð hrakinn

út úr götu,

að hann batt eigi

bagga sína

sömu hnútum

og samferðamenn.

Prófessor Halldór Hermansson skrifaði grein í Islandica árið 1943. Þar telur hann Sæmund vera fyrsta eiginlega myndgerðarmann Íslendinga. Myndir eftir hann er finna í ferðabókum Eggerts Ólafssonar og Ólafs Olivíusar.

Ritaskrá

• Om jordbranden paa Island i aaret 1783

Heimildir

• Samtímaheimildir um Skaftárelda Geymt 7 mars 2016 í Wayback Machine
• Rit eftir Sæmund Hólm
• Sagnabrunnur^{[óvirkur tengill]}
• Mynd eftir Sæmund Hólm af samtímamanni^{[óvirkur tengill]}