Sádí-Arabía

Konungsveldið Sádí-Arabía
المملكة العربية السعودية Al-Mamlakah al-'Arabiyah as-Sa'udiyah
Fáni	Skjaldarmerki
Kjörorð: „Það er enginn guð nema Guð; Múhameð er spámaður Guðs (trúarjátning múslima)“
Þjóðsöngur: Aash Al Maleek
Höfuðborg	Ríad
Opinbert tungumál	arabíska
Stjórnarfar konungur	Konungsríki Salman bin Abdul Aziz al-Saud
Flatarmál  - Samtals  - Vatn (%)	14. sæti 2.149.690 km² ómarktækt
Mannfjöldi  - Samtals (2013)  - Þéttleiki byggðar	43. sæti 29.994.272 14/km²
VLF (KMJ) - Samtals - á mann	áætl. 2005 337.200 millj. dala (28. sæti) 13.123 dalir (53. sæti)
VÞL	0.777 (76. sæti)
Gjaldmiðill	ríal (SAR)
Tímabelti	UTC+3
Þjóðarlén	.sa
Landsnúmer	966

Konungsveldið Sádí-Arabía er konungsríki sem nær yfir stærstan hluta Arabíuskagans með landamæri að Írak, Jórdaníu, Kúveit, Óman, Katar, Barein, Sameinuðu arabísku furstadæmunum og Jemen, með strönd að Persaflóa í austri og Rauðahafi í vestri. Áætlaður mannfjöldi í landinu er 29 milljónir, landið er u.þ.b. 2.150.000 km² að stærð.

Sádí-Arabía er stundum nefnt „Land hinna tveggja heilögu moskna“ og er þá átt við moskurnar í Mekka og Medina, sem eru tveir helgustu staðir íslam. Stofnandi konungsríkisins, fyrsti konungur þess og sá sem ber ættarnafn það sem landið er kennt við var Abdul-Aziz bin Saud (betur þekktur sem Ibn Saud á Vesturlöndum). Á 18. og 19. öld barðist Al Saud-fjölskyldan við nokkrar aðrar stór-fjölskyldur um yfirráð á Nejd-hásléttunni á Arabíuskaganum. Eftir að Ibn Saud hafði náð Ríad liðu þrír áratugir þangað til að Sádí-Arabíska konungsveldið var stofnað með aðstoð Breska heimsveldisins.

Helsta stoð Sádí-Arabíska efnahagsins er útflutningur olíu. Sádí-Arabía er stærsti útflutningsaðili heimsins og leiðandi aðili í OPEC, samtökum olíuframleiðsluríkja. Um 90% af útflutningi Sádi-Arabíu er olía og tekjur af sölu olíu eru um 75% af landsframleiðslu. Ghawar er talin vera stærsta olíulind heimsins, áætlað er að um ¼ af olíu þeirri sem notuð er í dag komi þaðan.

Tengill

• Vísindavefurinn: „Hvernig er þjóðfélagsástandið í Sádí-Arabíu?“
• Saudi Arabar skrúfa frá olíukrana sínum, frétt 27. febrúar 2012

  Þessi landafræðigrein er stubbur. Þú getur hjálpað til með því að bæta við greinina.