Round Table (klúbbur)
 | |
| Einkennisorð | Tileinka – Aðlaga – Bæta |
|---|---|
| Stofnað | 1927 |
| Stofnandi | Louis Marchesi |
| Stofnað í | Norwich, England |
| Höfuðstöðvar | Lúxemborg |
Membership | ~30.000 |
Forseti | Marc Germeshausen (2023/24) |
| Vefsíða | round-table.org |
Round Table International (RTI) eru alþjóðleg, ópólitísk og ótrúarleg félagssamtök fyrir unga karlmenn á aldrinum 18 til 45 ára. Samtökin voru stofnuð árið 1927 í Norwich, Englandi, af Louis Marchesi, með það að markmiði að efla samfélagsþjónustu, leiðtogahæfileika og alþjóðlega vináttu meðal ungra manna. Mottó samtakanna er: Tileinka – Aðlaga – Bæta (Adopt – Adapt – Improve).
Saga
[breyta | breyta frumkóða]Fyrsti Round Table klúbburinn var stofnaður í Norwich árið 1927 af Louis Marchesi, ungum meðlimi í Rotary-klúbbi Norwich. Hugmyndin var að skapa vettvang fyrir unga viðskiptamenn til að skiptast á hugmyndum og vinna að samfélagsverkefnum. Árið 1936 var fyrsti erlendi klúbburinn stofnaður í Kaupmannahöfn. Eftir seinni heimsstyrjöldina jókst starfsemin hratt og árið 1948 var Round Table International formlega stofnað á fundi í Hastings, Englandi. [1]
Uppbygging og starfsemi
[breyta | breyta frumkóða]RTI er skipt í fimm landsvæði, hvert með sinn svæðisstjóra. Samtökin eru stjórnuð af alþjóðlegri stjórn sem kjörin er árlega. Meðlimir, oft nefndir Tablers, koma úr fjölbreyttum starfsgreinum og hittast reglulega til að ræða málefni, skipuleggja góðgerðaverkefni og taka þátt í alþjóðlegum viðburðum. [1]
Round Table á Íslandi
[breyta | breyta frumkóða]Round Table Ísland (RTÍ) var stofnað 5. september 1970 af RT-35 Ósló í samvinnu við ljósmyndarann Mats Wibe Lund. Fyrsti formaðurinn var Óli Tynes. Í dag eru starfræktir 16 RT klúbbar víðsvegar um landið. Hver klúbbur hefur að hámarki 30 félaga og fundir eru haldnir tvisvar í mánuði yfir veturinn (september til maí). Starfsemin felur í sér fundi, viðburði og samfélagsverkefni, jafnt innanlands sem á alþjóðavísu. [2]
Góðgerðastarf og verkefni
[breyta | breyta frumkóða]RTÍ tekur þátt í fjölda góðgerðaverkefna. Klúbbarnir styðja málefni í heimabyggð, en einnig á landsvísu. Má þar nefna þátttöku í Movember herferðinni og stuðning við verkefnið Frú Ragnheiður. [2]
Systursamtök
[breyta | breyta frumkóða]Round Table hefur þróast í fleiri skyld samtök sem starfa náið saman:
- Ladies Circle: Stofnað árið 1932 fyrir konur, upphaflega maka RT félaga. Opnað fyrir allar konur árið 1993.
- 41 Club (Old Tablers): Fyrir fyrrverandi RT félaga sem náð hafa 45 ára aldri.
- Agora Club: Fyrir fyrrum félaga í Ladies Circle, stofnað árið 1987. Á Íslandi frá 2013.[3]
Aðild
[breyta | breyta frumkóða]Til að verða félagi í Round Table þarf að vera karlmaður á aldrinum 18–45 ára. Umsækjendur þurfa að mæta á fund með virkum félaga og fá samþykki innan síns klúbbs. Round Table er ekki leynileg samtök. [2]
Heimildir
[breyta | breyta frumkóða]- 1 2 „About RTI – Round Table International“. round-table.org. Afrit af upprunalegu geymt þann 13 maí 2025. Sótt 13 maí 2025.
- 1 2 3 „Taka þátt“. Round Table Ísland. Sótt 13 maí 2025.
- ↑ „Systursamtök“. Round Table Ísland. Sótt 13 maí 2025.