Rodrigo Paz Pereira
| Rodrigo Paz Pereira | |
|---|---|
 Rodrigo Paz Pereira árið 2025. | |
| Forseti Bólivíu | |
Núverandi | |
| Tók við embætti 8. nóvember 2025 | |
| Varaforseti | Edmand Lara |
| Forveri | Luis Arce |
| Persónulegar upplýsingar | |
| Fæddur | 22. september 1967 Santiago de Compostela, Galisíu, Spáni |
| Þjóðerni | Bólivískur |
| Stjórnmálaflokkur | Kristilegi demókrataflokkurinn |
| Maki | Maria Elena Urquidi |
| Börn | 4 |
| Faðir | Jaime Paz Zamora |
| Háskóli | American University |
Rodrigo Paz Pereira (f. 22. september 1967) er bólivískur stjórnmálamaður sem hefur verið 68. forseti Bólivíu frá árinu 2025.[1] Hann er elsti sonur fyrrum forseta landsins, Jaime Paz Zamora, og sat á öldungadeild bólivíska þingsins fyrir kjördæmi í Tarija frá 2020 til 2025. Hann var jafnframt borgarstjóri Tarija frá 2015 til 2020 og þingmaður á fulltrúadeild þingsins 2002 til 2010 fyrir stjórnmálaflokk föður síns, Byltingarsinnuðu vinstrihreyfinguna (MIR).
Rodrigo Paz Pereira fæddist á Spáni á meðan foreldrar hans voru í útlegð frá Bólivíu. Hann útskrifaðist frá Bandaríska háskólanum í Washington og gegndi ýmsum embættun í utanríkisþjónustunni í forsetatíð Hugo Banzer. Hann var kjörinn á neðri deild bólivíska þingsins í fyrsta sinn fyrir flokk föður síns í þingkosningum Bólivíu árið 2002 og sat á þingi til ársins 2010. Eftir að Byltingarsinnaða vinstrihreyfingin var leyst upp hóf Paz þátttöku í sveitarstjórnarmálum í Tarija og var þar forseti borgarstjórnar frá 2010 til 2015 og borgarstjóri Tarija frá 2015 til 2020. Árið 2020 var hann kjörinn á efri deild bólivíska þingsins fyrir kosningalista Borgaralegs samfélags fyrir kjördæmi í Tarija.
Paz bauð sig fram í forsetakosningum Bólivíu árið 2025 fyrir Kristilega demókrataflokkinn með lögreglumanninn Edmand Lara sem varaforsetaefni sitt. Hann sigraði fyrrum forsetann Jorge Quiroga í seinni umferð kosninganna.[2]
Tilvísanir
[breyta | breyta frumkóða]- ↑ Atli Ísleifsson (20. október 2025). „Tuttugu ára stjórn sósíalista í Bólivíu á enda“. Vísir. Sótt 8. nóvember 2025.
- ↑ Esaá, Eumar (20 október 2025). „Bolivia sella su giro a la derecha: Rodrigo Paz hace historia tras alcanzar la Presidencia en el balotaje“. France 24 (spænska). Sótt 20 október 2025.
| Fyrirrennari: Luis Arce |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.