Rob Reiner

Rob Reiner
Fæddur	6. mars 1947(1947-03-06) Bronx, New York, Bandaríkin
Dáinn	14. desember 2025 (78 ára) Los Angeles, Kalifornía, Bandaríkin
Störf	Leikstjóri framleiðandi handritshöfundur leikari
Maki	Penny Marshall (g. 1971; sk. 1981) Michele Singer (g. 1989)
Börn	4
Foreldrar	Carl Reiner Estelle Reiner

Robert Norman Reiner (6. mars 1947 – 14. desember 2025) var bandarískur kvikmyndaleikstjóri, framleiðandi, handritshöfundur, leikari og stjórnmálaaktívisti. Hann hóf feril sinn sem leikari áður en hann skipti yfir í kvikmyndagerð og leikstýrði fjölda vinsælla bandarískra kvikmynda.

Reiner hlaut fjölmargar viðurkenningar, þar á meðal tvö Primetime Emmy-verðlaun og Hugo-verðlaun og var tilnefndur til Óskarsverðlauna, bresku kvikmyndaverðlaunanna og níu Golden Globe-verðlauna. Reiner var heiðraður með stjörnu á Hollywood Walk of Fame árið 1999 og hlaut Chaplin-verðlaunin á kvikmyndahátíðinni í Lincoln Center árið 2014. Þrjár af myndum hans hafa verið teknar inn í Þjóðarmyndaskrá Bandaríkjanna (NFR).

Reiner var sonur söngkonunnar Estelle Reiner og grínistans Carls Reiner. Hann lærði kvikmyndagerð við UCLA. Eftir nokkur smáhlutverk sem leikari fékk Reiner hlutverk Michaels „Meathead“ Stivic í grínþáttunum All in the Family (1971-1978). Þættirnir nutu mikilla vinsælda.

Reiner hóf leikstjórafrumraun sína með grínmyndinni eða háðsheimildarmyndinni (e. mockumentary) um þungarokkssveitina Spinal Tap í This Is Spinal Tap (1984). Hann hélt áfram að leikstýra myndum eins og The Sure Thing (1985), Stand by Me (1986), The Princess Bride (1987), When Harry Met Sally... (1989), Misery (1990), A Few Good Men (1992), The American President (1995) og The Bucket List (2007).

Í desember 2025 fannst Reiner ásamt konu sinni Michelle Singer látinn með stungusár. Sonur þeirra Nick, var handtekinn í tengslum við andlát þeirra.