Regina Derieva

Úr Wikipediu, frjálsa alfræðiritinu
Stökkva á: flakk, leita
Regina Derieva

Regina Derieva (f. 7. febrúar 1949 í Ódessa, Sovétríkjunum (Úkraínu), d. 11. desember 2013 í Stokkhólmi, Svíþjóð) var rússneskt ljóðskáld, ritgerðahöfundur og þýðandi.

Regina Derieva fæddist í Ódessa en flutti fljótlega til Karaganda í Kasakstan þar sem hún bjó frá 1965 til 1990. Eftir að hafa birt nokkur ljóðasöfn sem voru ritskoðuð í heimalandinu fluttist hún með eiginmanni sínum og syni til Ísrael árið 1990. Þar bjó hún í áratug. Hún tók kaþólska trú 1989 og fékk þar af leiðandi ekki ríkisborgararétt í Ísrael og neyddist til að yfirgefa landið. Hún bjó í Märsta, norður af Stokkhólmi frá árinu 1999 til dauðadags. Regina Derieva var jörðuð 23. desember 2013 í norðurhluta kaþólska kirkjugarðsins í Stokkhólmi.

Derieva birti um tuttugu verk, aðallega ljóðasöfn en einnig óbundið mál, ritgerðir og þýðingar. Ljóðin hafa einnig birst í fjölda tímarita, meðal annars í Rússlandi, Bandaríkjunum og Svíþjóð. Verk hennar hafa verið þýdd á mörg tungumál, þar á meðal sænsku, ensku, frönsku, ítölsku, arabísku og kínversku. Hún hefur sjálf þýtt á rússnesku nútímaljóðmæli frá Bandaríkjunum, Ástralíu, Englandi, Póllandi og Svíþjóð. Hún fékk árið 2003 Shannon Fellowship of the International Thomas Merton Society fyrir að þýða og kynna bandaríska ljóðskáldið Thomas Merton.

Skáldskapur Derievu ber skýr merki kaþólskrar trúar. Hún fékk 16. febrúar 2009 orðu Hins kaþólska stifts í Stokkhólmi, Ora et Labora. Skáldverk Regina Derievu hafa hlotið æ meiri athygli á 21. öld, sérstaklega í enskumælandi löndum, eftir að fjöldi þýðinga á verkum hennar komu út. Ýmis virt ljóðskáld, þeirra á meðal Joseph Brodsky, Tomas Venclova og Les Murray hafa farið lofsamlegum orðum um skáldskap hennar.

Helstu verk[breyta | breyta frumkóða]

  • Himmelens geometri (Norma bokförlag, 2003)
  • Alien Matter. New and selected poems (Spuyten Duyvil, 2005)
  • Oavbrutet svarta bilder (Carl Forsbergs bokförlag, 2007)
  • Allt som tolv kejsare inte hunnit säga (Ars Interpres Publications, 2007)
  • The Sum Total of Violations (Arc Publications, 2009)
  • Corinthian Copper (Marick Press, 2010)

Tenglar[breyta | breyta frumkóða]