Recco
 |
Þessi grein þarfnast hreingerningar svo hún hæfi betur sem grein hér á Wikipediu. Mögulega er vandamálið við síðuna skráð á Wikipedia:Stílviðmið. |
 |
Þessi grein inniheldur engar heimildir. Vinsamlegast hjálpaðu til við að bæta þessa grein með því að bæta við tilvísunum í áreiðanlegar heimildir. Efni sem ekki styðst við heimildir gæti verið fjarlægt. |
Recco (Latína: Ricina / Recina) er sveitarfélag á Stór-Genóasvæðinu í Lígúría á Ítalíu.
Í Recco er haldin flugeldasýning 8. september ár hvert til heiðurs Maríu mey. Bærinn er einnig þekktur fyrir sigursælasta sundknattleikslið Ítalíu sem er meðal þeirra bestu í Evrópu.
Saga
[breyta | breyta frumkóða]Recco var byggð af Casmoriti sem var hluti af Ligurian-fjölskyldunni. Síðar lögðu Rómverjar borgina undir sig og nefndu hana Recina eða Ricina. Um tíma var Recco áningarstaður á veginum Via Aurelia sem lagður var frá Róm norður eftir á vesturstöndinni á tíma Rómarveldisins.
Í seinni heimstyrjöldinni árið 1943 voru gerðar loftárásir á Recco; járnbrautin var eyðilögð og nær allir innviðir borgarinnar. Recco var skotmark vegna járnbrautarlínu. Nær allar byggingar voru eyðilagðar og 127 íbúar létust. Endurbygging hófst að loknu stríði og stóð fram á sjötta áratuginn.
Íþróttir
[breyta | breyta frumkóða]Sundknattleiksliðið Pro Recco hefur unnið 37 meistaratitla; fyrsti titillinn vannst árið 1959 og sá nýjasti árið 2025. Pro Recco er einnig eina ítalska liðið sem hefur fimm sinnum unnið alla titla sem eru í boði: meistaramótið, bikarkeppnina, meistarakeppnina og Evrópukeppnina.
Matarmenning
[breyta | breyta frumkóða]Recco er þekkt fyrir focaccia con il formaggio, focaccia með osti, sem er gert úr stracchino, sérstökum ítölskum kúaosti. Samtökin sem stjórna opinberu uppskriftinni að focaccia hafa fengið á hana verndaða upprunavottun innan Evrópusambandsins (e.: protected geographical indication).