Rannís
Rannsóknamiðstöð Íslands (Rannís) er ríkisstofnun á Íslandi sem hefur það hlutverk að treysta stoðir íslensks þekkingarsamfélags með stuðningi við rannsóknir, nýsköpun, menntun og menningu. Rannís heyrir undir menningar-, nýsköpunar- og háskólaráðuneytið.
Rannís stuðlar að þróun þekkingarsamfélagsins með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum auk þess að greina og kynna áhrif rannsókna, nýsköpunar, menntunar og menningar á þjóðarhag.
Rannís er rekin af skattfé samkvæmt fjárlögum.
Rannís starfar á grundvelli laga um opinberan stuðning við vísindarannsóknir nr. 3/2003[1]. Starfsfólk Rannís er rúmlega 70 talsins. Forstöðumaður Rannís er Ágúst Hjörtur Ingþórsson. Hann var skipaður þann 1. apríl 2022 til fimm ára í senn samkvæmt erindisbréfi af þáverandi háskóla,- iðnaðar- og nýsköpunarráðherra, Áslaugu Örnu Sigurbjörnsdóttur.