Rafmennt

Rafmennt
Rekstrarform	Einkahlutafélag
Staðsetning	Stórhöfði 27 110 Reykjavík
Starfsemi	Fræðslustarfssemi, framhaldsskóli
Vefsíða	https://www.rafmennt.is/

Rafmennt er þekkingarfyrirtæki og framhaldsskóli sem þjónustar raf- og tækniiðnaðinn á Íslandi. Það býður upp á framhaldsnám, endurmenntun, námskeið og fyrirlestra fyrir fagfólk í greininni. Rafmennt sér einnig um kennslu í meistaraskóla, rekstur rafbók.is netbókasafns, raunfærnimat og sveinspróf.

Sagan

Rafiðnaðarmenn hafa frá árinu 1975 byggt upp endurmenntunarkerfi. Árið 1985 stofnuðu endurmenntunarnefndir rafiðna og rafeindavirkja Rafiðnaðarskólann, sem lengi vel var undir stjórn nefndanna. Árið 1993 tók skólanefnd Rafiðnaðarskólans formlega við ábyrgð á starfseminni, en árið 2004 var skólinn gerður að hlutafélagi, „Rafiðnaðarskólinn ehf“, í jafnri eigu RSÍ og SART.

Skólinn var upphaflega til húsa í Skipholti, síðar í Skeifunni 11b frá 1989 til 2009, og flutti þá á Stórhöfða 27. Árið 2010 var fyrsta hæðin þar innréttuð sérstaklega fyrir starfsemi skólans.

Fræðsluskrifstofa rafiðnaðarins var stofnuð árið 1996 til að annast umsýslu sveinsprófa og námssamninga, endurskoðun grunnnáms rafiðnaðarmanna og kynningu á námi fyrir ungt fólk. Skrifstofan gerði námsefni í rafiðngreinum aðgengilegt nemendum án kostnaðar á vefnum rafbok.is.

Árið 2018 sameinuðust Rafiðnaðarskólinn og Fræðsluskrifstofa rafiðnaðarins undir merkjum Rafmenntar, fræðsluseturs rafiðnaðarins. Með sameiningunni var öll fræðslustarfsemi rafiðnaðarmanna, frá grunnnámi til meistaraskóla og endurmenntunar, færð undir eitt félag. Markmiðið var að bæta þjónustu við félagsmenn, nýta fjármagn menntasjóðs betur og auka fjölbreytni námskeiða og kynningu á nýrri tækni.

Rafmennt fékk síðan viðurkenningu sem einkarekinn framhaldsskóli árið 2022 og var endurnýjuð árið 2024.

Rafmennt er í jafnri eigu RSÍ og SART.