Róbert Wessman

Úr Wikipediu, frjálsa alfræðiritinu
Jump to navigation Jump to search

Wilhelm Róbert Wessman (f. 4. október 1969) er íslenskur viðskiptafræðingur og forstjóri og eigandi, stofnandi og forstjóri lyfja- og líftæknifyrirtækjanna Alvotech og Alvogen.

Róbert ólst upp á Seltjarnarnesi til sex ára aldurs en fluttist þá í Mosfellsbæ. Foreldrar hans eru Wilhelm Wessman framkvæmdastjóri og Ólöf Svafarsdóttir Wessman snyrtifræðingur. Hann lauk stúdentsprófi frá Menntaskólanum við Sund og útskrifaðist sem viðskiptafræðingur frá Háskóla Íslands árið 1993. Að útskrift lokinni hóf hann störf hjá Samskip þar sem hann starfaði í sjö ár, fyrst í fjárreiðudeild og síðar í söludeild en starfaði einnig í eitt og hálft ár fyrir félagið í Þýskalandi. Um tíma kenndi hann stærðfræði í Háskóla Íslands.

Alvogen[breyta | breyta frumkóða]

Róbert hóf störf í lyfjageiranum árið 1999[1] er hann var ráðinn forstjóri Delta sem síðar sameinaðist Pharmaco en varð svo að fyrirtækinu Actavis árið 2002 en þá tók Róbert við starfi forstjóra þess og gegndi starfinu til ársins 2008.[2] Árið 2009 stofnaði Róbert líftæknifyrirtælið Alvogen sem hefur höfðustöðvar í Vatnsmýrinni í Reykjavík.[3] Eignarhald á félaginu var lengi nokkuð óljóst en árið 2018 birti Morgunblaðið gögn sem sýndu fram á að þriðjungshlutur í félaginu væri undir sjálfseignarstofnun sem Róbert hafði komið á fót á aflandseyjunni Jersey árið 2015.[3]

Árið 2021 var fjallað um það tíðar mannabreytingar hjá Alvotech og Róbert sagður hafa skipt út fjölda millistjórnenda á skömmum tíma.[4] Í upphafi sama árs steig fyrrum samstarfsmaður Róberts hjá Alvotech fram og bar hann þungum sökum þar sem hann gagnrýndi stjórnarhætti og ósæmilega hegðun Róberts.[5] Stjórn Alvogen rannsakaði starfshætti Róberts og taldi ekki ástæðu til að aðhafast frekar, en Alvogen hefur stefnt starfsmanninum fyrir trúnaðarbrot í starfi.[6]

Tilvísanir[breyta | breyta frumkóða]

  1. Vb.is, „Róbert Wessman hættir hjá Actavis“ (skoðað 29. mars 2021)
  2. „Alltaf að spá í næsta leik“, Tímarit Morgunblaðsins, 18. júlí 2004 (skoðað 29. mars 2021)
  3. 3,0 3,1 Mbl.is, „Ljósi varpað á eignarhald Alvogen“ (skoðað 29. mars 2021)
  4. Mannlif.is, „Róbert Wessman rekið þrjá forstjóra Alvotech –Nánast öllum lykilstjórnendum „skipt út” á 18 mánuðum“ (skoðað 29. mars 2021)
  5. Mbl.is, „„Morðhótanir og líkamsárásir““ (skoðað 29. mars 2021)
  6. „Alvogen stefnir Halldóri Kristmanssyni“. RÚV . 7. apríl 2021. Sótt 7. maí 2021.