Ríkisprentsmiðjan Gutenberg
Ríkisprentsmiðjan Gutenberg var prentsmiðja sem starfrækt var í Reykjavík frá 1930 til 1992. Rekstur hennar hófst eftir að ríkissjóður keypti húseign og prentvélar Prentsmiðjunnar Gutenberg síðla árs 1929. Prentsmiðjan var einkavædd árið 1991 og rann skömmu síðar inn í fyrirtækið Steindórsprent.
Saga
[breyta | breyta frumkóða]Ríkið ákvað að hefja prentsmiðjurekstur í tíð ríkisstjórnar Tryggva Þórhallssonar og festi í því skyni kaup á Prentsmiðjunni Gutenberg sem átti þá í nokkrum rekstrarerfiðleikum. Steingrímur Guðmundsson, sem hafði meðal annars starfað fyrir hina kunnu prentsmiðju Gyldendal í Kaupmannahöfn, var ráðinn fyrsti forstjóri hins nýja ríkisfyrirtækis. Starfsmennirnir voru um 40 talsins í fyrstu en átti síðar eftir að fjölga.
Helstu verkefni prentsmiðjunnar voru fyrir ríkissjóð og ríkisstofnanir, en einnig aðra aðila. Af helstu prentverkefnum má nefna Orðabók Sigfúsar Blöndal, útgáfu Fornritafélagsins og Biblíuþýðingu Haraldar Níelssonar.
Árið 1975 flutti Gutenberg í ný húsakynni við Síðumúla í Reykjavík. Eftir að hafa verið breytt í hlutafélag árið 1991 rann Gutenberg saman við við Steindórsprent og var hin sameinaða prentsmiðja yfirtekin af Prentsmiðjunni Odda árið 2000.
Heimild
[breyta | breyta frumkóða]- Svanur Jóhannesson (2015, 2.útg). Prentsmiðjueintök. Prentsmiðjusaga Íslands.