Ríóyfirlýsingin um umhverfi og þróun

Úr Wikipediu, frjálsa alfræðiritinu
Stökkva á: flakk, leita

Ríóyfirlýsingin um umhverfi og þróun (stundum kölluð Ríóyfirlýsingin eða Ríósáttmálinn) er stutt samþykkt sem var undirrituð á Heimsráðstefnu Sameinuðu þjóðanna um umhverfi og þróun í Rio de Janeiro árið 1992. Samþykktin setur fram 27 meginreglur til leiðbeiningar um sjálfbæra þróun um allan heim. Í samþykktinni koma fram ýmsar meginreglur sem teljast til þriðju kynslóðar mannréttinda og grænna réttinda. Þar er kveðið á um mengunarbótaregluna (að sá sem mengar beri kostnaðinn af því), varúðarregluna (að náttúran njóti vafans) og umhverfismat. Eins er talað um þátttöku almennings í ákvarðanatöku og baráttu gegn fátækt. Í samþykktinni er líka hnykkt á atriðum eins og fullveldi einstakra ríkja og réttinum til þróunar.

Ríóyfirlýsingin er pólitísk yfirlýsing og ekki lagalega bindandi fyrir þau ríki sem samþykktu hana.

Tenglar[breyta | breyta frumkóða]

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.