Svolítil huggun
| Svolítil huggun | |
|---|---|
| Quantum of Solace | |
 | |
| Leikstjóri | Marc Forster |
| Höfundur | |
| Byggt á | James Bond eftir Ian Fleming |
| Framleiðandi | |
| Leikarar | |
| Kvikmyndagerð | Roberto Schaefer |
| Klipping | |
| Tónlist | David Arnold |
| Fyrirtæki | Metro-Goldwyn-Mayer Pictures Columbia Pictures Eon Productions |
| Dreifiaðili | Sony Pictures Releasing[1] |
| Frumsýning |
|
| Lengd | 106 mínútur |
| Land | |
| Tungumál | Enska Spænska |
| Ráðstöfunarfé | $200–230 milljónir[4][5] |
| Heildartekjur | $589,6 milljónir[4] |
Svolítil huggun (enska: Quantum of Solace) er bresk njósnamynd frá 2008 og 22. myndin sem Eon Productions gerðu um leyniþjónustumanninn James Bond. Þetta var önnur myndin þar sem Daniel Craig fór með aðalhlutverkið. Leikstjóri var Marc Forster, og handritið var eftir Neal Purvis, Robert Wade og Paul Haggis. Titillinn er fenginn úr smásögu eftir Ian Fleming frá 1959.[6]
Myndin hefst þar sem síðasta mynd, Royale spilavítið, endar. Bond hefur handsamað glæpaforingjann hr. White (Jesper Christensen) og færir hann til yfirheyrslu í Siena. Þar svíkur lífvörður M (Judi Dench) þau og virðist skjóta hr. White. Bond eltir hann og drepur, en hr. White sleppur. Bond rekur slóð lífvarðarins til Haítí. Þar hittir hann fyrir Camille Montes (Olga Kurylenko) sem ætlar sér að myrða hershöfðingjann Medano (Joaquin Cosío). Kærasti hennar, athafnamaðurinn Dominic Greene (Mathieu Amalric), hyggst styðja valdarán hershöfðingjans í Bólivíu í skiptum fyrir landsvæði í Atacama-eyðimörkinni. Bond eltir Greene til Austurríkis þar sem hann er við frumsýningu á óperunni Tosca. Bond hlerar þar samskipti Greene við háttsetta stjórnarmenn í glæpasamtökunum Quantum, meðal annars hr. White. Í ljós kemur að Greene ætlar sér að hagnast á einkarétti á vatnsforða Bólivíu. Ásamt Montes eltir Bond Greene á fundarstað þeirra Medanos í Atacama-eyðimörkinni þar sem Montes drepur hershöfðingjann. Bond hrekur Greene út í eyðimörkina. Síðar kemur í ljós að Greene var drepinn þar.
Aðaltökur fóru fram í Mexíkó, Panama, Síle, Ítalíu, Austurríki og Wales; en innitökur fóru fram í Pinewood Studios á Englandi. Tónlistin var eftir David Arnold sem hafði séð um tónlist í fyrri fjórum Bondmyndum.[7] Þemalagið, „Another way to die“, var eftir Jack White (úr The White Stripes) og Alicia Keys.[8][9]
Frumsýningu myndarinnar var flýtt svo hún rækist ekki á frumsýningu Harry Potter og blendingsprinsinn, en frumsýning hennar var á endanum færð yfir á árið 2009.[10] Svolítil huggun var frumsýnd í Bretlandi 31. október 2008 og 14. nóvember í Bandaríkjunum. Á Íslandi var myndin frumsýnd í Smárabíói, Borgarbíói og Háskólabíói 7. nóvember.[11] Myndin náði 589,6 milljón dala tekjum af kvikmyndahúsum á heimsvísu.[4] Myndin fékk misjafna dóma.[12] Hún þótti síðri en Royale spilavítið og handritið ruglingslegt, en Craig fékk áfram hrós fyrir frammistöðu sína.[13] Craig sagði síðar að verkfall handritshöfunda í Bandaríkjunum 2007-2008 hefði haft neikvæð áhrif á framleiðsluna.[14][15]
Tilvísanir
[breyta | breyta frumkóða]- ↑ „AFI-Catalog“. catalog.afi.com. Afrit af uppruna á 17. september 2018. Sótt 17. september 2018.
- ↑ „Quantum of Solace“. Lumiere. European Audiovisual Observatory. Afrit af uppruna á 25 nóvember 2020. Sótt 9 október 2020.
- ↑ „Quantum of Solace“. AFI Catalog. Afrit af uppruna á 23 maí 2021. Sótt 23 maí 2021.
- 1 2 3 „Quantum of Solace (2008)“. Box Office Mojo. Afrit af uppruna á 28 október 2009. Sótt 3 nóvember 2012.
- ↑ Dawn, Randee (11 nóvember 2008). „'Quantum' is Marc Forster's 007 art film“. The Hollywood Reporter. Afrit af upprunalegu geymt þann 13 nóvember 2008. Sótt 13 nóvember 2008.
- ↑ „Daniel: the title is meant to confuse“. Press and Journal. 24 janúar 2008.
- ↑ Tommy Pearson, David Arnold (nóvember 2007). Interview with David Arnold. stageandscreenonline.com (Audio interview). Afrit af upprunalegu (mp3) geymt þann 11. september 2008. Sótt 25 apríl 2008.
- ↑ Donahue, Ann (29 júlí 2008). „Alicia Keys, Jack White Team For Bond Theme“. Billboard. Afrit af uppruna á 22 maí 2013. Sótt 29 júlí 2008.
- ↑ „Quantum of Solace – News – Alicia Keys, Jack White Team For "Quantum of Solace" Theme Song“ (PDF) (Press release). Columbia Pictures. 29 júlí 2008. Afrit af upprunalegu (PDF) geymt þann 27. mars 2009. Sótt 2 ágúst 2008.
- ↑ „Quantum of Solace Moved Back a Week“. ComingSoon.net. 21 ágúst 2008. Afrit af uppruna á 28. september 2016. Sótt 21 ágúst 2008.
- ↑ „Nýtt í bíó“. Morgunblaðið. 7. nóvember 2008. bls. 42.
- ↑ „Quantum of Solace Reviews“. Metacritic. Afrit af uppruna á 9 júní 2018. Sótt 15 maí 2018.
- ↑ Butler, Tom (31 október 2008). „UK Tomatometer Preview: Quantum Of Solace – Is the New Bond Shaken or Stirred?“. Rotten Tomatoes. Afrit af upprunalegu geymt þann 6 nóvember 2008. Sótt 13 nóvember 2021.
- ↑ Jagernauth, Kevin (7. desember 2011). „Daniel Craig Says Writer's Strike "Fucked" 'Quantum Of Solace' & He Rewrote Scenes With Marc Forster“. IndieWire. Afrit af upprunalegu geymt þann 29 júlí 2022. Sótt 29 júlí 2022.
- ↑ Husband, Stuart; Sherlock, Ruth (30 júlí 2011). „Daniel Craig on quick crosswords and Cowboys & Aliens, taste and Twitter“. The Daily Telegraph. Afrit af uppruna á 29 júlí 2022. Sótt 29 júlí 2022.
