Prentsmiðjan Gutenberg
Prentsmiðjan Gutenberg var prentsmiðja sem starfrækt var í Reykjavík frá 1904 til 1930. Hún var rekin af hópi prentara, félagsmönnum í Hinu íslenska prentarafélagi.
Saga
[breyta | breyta frumkóða]Hlutafélagið Gutenberg var stofnað þann 12. ágúst 1904 af hópi prentara sem staðið höfðu í kjaradeilum við vinnuveitendur sína í prentsmiðjum bæjarins. Þeir festu kaup á nýlegri prentsmiðju stéttarbróður síns Þorvarðar Þorvarðssonar sem þegar var ráðinn forstjóri hins nýja fyrirtækis. Gutenberg reisti mikið hús undir prentsmiðju sína í Þingholtsstræti 6, sem enn stendur.
Tilkoma Gutenberg hafði mikil áhrif á íslenskum prentmarkaði, þar sem hefðbundnu prentsmiðjurnar misstu á einu bretti marga sína bestu og reyndustu starfsmenn. Árið 1930 lauk starfsemi prentsmiðjunnar þegar ríkissjóður festi kaup á henni og stofnaði Ríkisprentsmiðjuna Gutenberg.
Heimild
[breyta | breyta frumkóða]- Svanur Jóhannesson (2015, 2.útg). Prentsmiðjueintök. Prentsmiðjusaga Íslands.