Paul Newman

Paul Newman (1958)

Paul Leonard Newman (f. 26. janúar 1925 - 26. september 2008) var bandarískur leikari, leikstjóri, kappakstursmaður og athafnamaður.

Newman hóf leikferilinn 7 ára í leikritinu Hróa hetti. Hann barðist sem ungur maður í seinni heimsstyrjöld á Kyrrahafi.

Newman hlaut Óskarsverðlaun fyrir kvikmyndina The Color Of Money (1987), BAFTA-verðlaun, sjö Golden Globe-verðlaun. Hann lék í um 60 kvikmyndum um ævina, þar á meðal aðalhlutverk í Hud (1963) og Cool Hand Luke (1967) sem gerðu hann heimsfrægan, Butch Cassidy And The Sundance Kid (1969) og The Sting (1973) með Robert Redford. Newman lék með síðari eiginkonu sinni, Joanne Woodward, í nokkrum myndum og leikstýrði henni líka síðar meir.

Í atvinnukappakstri varð hann í 2. sæti í Le Mans-kappakstrinum árið 1979. Hann stofnaði matarvörur undir nafninu Newman's Own. Hluti ágóða þess rann í góðgerðarstarfsemi. Í pólitík var hann frjálslyndur og kvaðst vera stoltur að vera á lista 20 manns yfir hötuðustu andstæðinga Richard Nixons. Newman studdi réttindabaráttu svartra í Bandaríkjunum og talaði gegn Víetnamstríðinu.

Valdar kvikmyndir

• Somebody Up There Likes Me (1956)
• The Long, Hot Summer (1958)
• Cat on a Hot Tin Roof (1958)
• The Hustler (1961)
• Sweet Bird of Youth (1962)
• Hud (1963)
• Torn Curtain (1966)
• Hombre (1967)
• Cool Hand Luke (1967)
• Butch Cassidy and the Sundance Kid (1969)
• The Sting (1973)
• The Towering Inferno (1974)
• Slap Shot (1977)
• Fort Apache, The Bronx (1981)
• Absence of Malice (1981)
• The Verdict (1982)
• The Color of Money (1986)
• Mr. and Mrs. Bridge (1990)
• The Hudsucker Proxy (1994)
• Nobody's Fool (1994)
• Road to Perdition (2002)
• Cars (2006)

Tengill

• Paul Newman á IMDB